भांगरभूंय | प्रतिनिधी
जीएमसींत अजून १५ जखमींचेर उपचार
पणजी : शिरगांव खेटाखेटींत गंभीर जखमी जाल्ल्या कांय जाणांचे भलायकेंत आजूनय कसलीच सुदारणा जावंक ना. ती हुस्को करपा सारकी आसा, अशी म्हायती दोतोरांनी दिली. सध्या गोंय वैजकी महाविद्यालय हॉस्पिटलांत १५ जखमींचेर उपचार सुरू आसात. भलायकी सुदारिल्ल्यान ६ जखमींक डिस्चार्ज दिला.
शेनवारा सकाळीं शिरगांवां जात्रेक खेटाखेट जावन ६ जाणांक मरण आयलें. ७० परस चड जखमी जाले. सांखळे, दिवचले भलायकी केंद्रां सयत म्हापशें जिल्लो हॉस्पिटलांत जखमींक उपचारा खातीर व्हेले. शेनवारा सगल्यांत पयलीं १३ जखमींक गोंय वैजकी महाविद्यालय हॉस्पिलांत उपचारा खातीर दाखल केल्ले. हातूंत ४ जाणांची भलायकी सामकी इबाडिल्ली. दुसर्या दिसा म्हापशें हॉस्पिटलांतल्यान कांय जखमींक गोमॅकोंत धाडिल्ल्यान जखमींचो आंकडो वाडलो. आतां गोमॅकोंत आशिल्ल्या २१ जखमीं मदल्या ६ जाणांक डिस्चार्ज दिलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
