भांगरभूंय | प्रतिनिधी
भांगरभूंय । प्रतिनिधी
फोंडेंः शिगांव युनायटेड क्लबान आयोजीत केल्ले गोंय पांवड्या वयले क्रिकेट सर्तीत केरी-फोंडे हांगच्या शिव साई पंगडान जैतिवंत थारलो. करमणे- किर्लपाल हांगच्या इंज्या पद्मावती पंगड उपजैतिवंत थारलो. सर्तींत 14 पंगडांनी वांटो घेतिल्लो.
फायनलींत शिव साई पंगडान पद्मावती पंगडाक हारयलें. तांका इनाम म्हणून 11,111 रुपये मेळ्ळे. पद्मावती पंगडाक 7,777 रुपये मेळ्ळे. उपांत्य मॅचींत हारल्ल्या शिगांव युनायटेड आनी कालें बॉयजात दरेकी 2,222 रुपयाचे इनाम दिलें. शिव साई पंगडाच्या मोहित गांवकार मॅन ऑफ दी मॅच थारलो. बॉलिंगचें इनाम शिव साईच्या विशाल, फिल्डिगे खातीर पद्मावतीच्या वैशव गांवकारान इनाम दिलें.
इनाम भेटवण कार्यावळीक हाजीर आशिल्ली ज्येश्ठ बायल शेवंती वेळीप हिचे हस्तकी इनामां भेटयलीं. ह्या वेळार महेश थोरात, शिगाव युनायटेडाचो संस्थापक एकनाथ खेडेकार हाजीर आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
