शिगम्याच्या धोलार पडली तोणी….
भांगरभूंय | प्रतिनिधी
पणजी : शिगमोत्सव हो गोंयची गिरेस्त, वैभवशाली आनी भव्य संस्कृताय दाखोवपी उत्सव. घोडे-मोडणी, फुगडी रोमटामेळ हाचे सयत मार्गावेल्यान वचपी चित्ररथ मिरवणूक जर दोळे दिपकावपी आसता. हे मिरवणुकेंत उबे केल्ले हिंदू पौराणीक कथां मदले प्रसंग नजर खिळावन दवरतात. गोंयच्या विवीध म्हालांत वैशिश्ट तरेन हो परंपरीक शिमगोत्सव मनयतात.
चवथ, दिवाळी, होळी ह्यो परबो गोंयच्या सगळ्या परबां मदले एक. होळी आयतारा, १४ मार्चाक जरी आसली तरी बारा म्हालांनी विवीध सुवातांचेर शिमग्याक ८ मार्च सावन सुरवात जाल्या. शिगम्याच्या धोलात तोणी (दोनूय वा एके वटेन मूठ आशिल्ली जाड बडी) पडल्या. काल सावयवेर्यां मांडावेले देवतेक गाराणें घालून आनी नमन करून परंपरीक शिगम्याक सुरुवात जाली. साळांतले गडे, ठाणेंची घोडेमोडणी, झर्म्याचो चोरोत्सव, मळकर्णेचो शेणी ऊजो, सांगेचो वीरभद्र हे गोंयच्या शिगम्याचे फामाद उत्सव. गडे, घोडेमोडणी आनी चोरोत्सव येवपी कांय दिसांनी सुरू जातले. पिळगांवचे गडे ११ मार्च, जाल्यार साळ गडे १५, १६ आनी १७ तारखेर जातले.
दर वर्सा प्रमाण अंदूंय पर्यटन खात्यान शिगमोत्सवाच्यो तारखो जाहीर केल्यात. अंदूं गोंयांत १५ मार्च सावन शिगमोत्सवाक सुरवात जातली.
शिगम्याच्यो तारखो सकयल दिल्ले प्रमाण:
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
