शिक्षिका, विद्यार्थ्याचे फोटो जाले व्हायरल आनी….

भांगरभूंय | प्रतिनिधी

बेंगळुरू, खबरां संस्था ः गुरू-शिष्य संबंदाक एक खाशेलें म्हत्व आसा. ह्या संबंदाक खूब पवित्र मानतात. पूण गुरु आनी शिश्य हांचे संबंदाक खत लावपी एक धक्को दिवपी घडणूक मुखार आयल्या. फाटल्या दोन दिसा सावन सोशल मीडियाचेर एका शिक्षिकेचे विद्यार्थ्या वांगडा शिक्षणीक भोंवडे वेळारचे रोमँटीक फोटो व्हायरल जाले. कर्नाटकांतल्या मुरुगमल्ला सरकारी शाळेंतली शिक्षिका आनी 10 वेच्या वर्गातलो भुरगो हांचे फोटोशूट जाल्ल्यान वाद निर्माण जालां. ह्या प्रकरणांत शिक्षिकेक निलंबीत केल्या.
ह्या व्हायरल फोटवांनी शिक्षणीक भोंवडे वेळार शिक्षिका आनी विद्यार्थी एकामेकांक वेंग मारतात, पोल्याचें चुंबन घेतात, अशें दिसता. जाल्ल्यार एका फोटवांत दोगांयनी एकमेकांक उखलून घेतल्यात अशें दिसून आयलां. हे फोटो एका सोशल मिडिया वापारप्यान एक्सचेर शेअर केल्यात. आनी समाज म्हणून आमी खंय वतात अशेंय बरयलां.

चड म्हायती प्रमाण 42 वर्सां पिरायेची ही शिक्षिका कर्नाटकांतल्या मुरुगमल्ला चिक्कबल्लापूर जिल्ह्यांतल्या सरकारी शाळेंत शिकयता. जाल्यार तो विद्यार्थी 10 वेत शिकता. हो फोटो व्हायरल जाले उपरांत विद्यार्थ्याच्या पालकांनी गट शिक्षण अधिकाऱ्या कडेन कागाळ करून कारवाय करपाची मागणी केली. ते उपरांत ताणें शाळेक भेट दिवन भोंवडेर गेल्ल्या विद्यार्थ्यांची, कर्मचारी आनी शिक्षकांची चवकशी करून शिक्षिकेक निलंबीत केली.