भांगरभूंय | प्रतिनिधी
श्रीपाद नायकः स्वामी सेवालाल महाराजांची जयंती उमेदीन
भांगरभूंय । प्रतिनिधी
मुरगांवः देशांतल्या दरेका समाजान आपले फुडले पिळगेक शिक्षीत करचे खातीर फुडाकार घेवप गरजेचें आसा. कारण शिक्षणूच समाजांत बदल घडोवन, समाजांत बरें व्यक्तीमत्व तयार करता. अखील गोंय बंजारा समाजान शिक्षण, वेवसाय, समाजीक मळार नामना जोडल्या. ह्या समाजान केन्नाच कोणाक पयस करिनासतना, सगळ्यांक एकठांय हाडचे खातीर म्हत्वाची भुमिका केल्या, अशें केंद्रीय राज्यमंत्री श्रीपाद नायक हांणी सांगलें.
अखील गोंय (गोर) बंजारा समाजा वतीन वर्सुकी स्वामी सेवालाल महाराजांची जयंती उमेदीन मनयली. कुठ्ठाळी- सांकवाळ बिर्लाच्यान स्वामी सेवालाल महराजांची शोभायात्रा सांकवाळ, दाबोळी, वास्को काडली. यात्रेचो समारोप मुरगांव बायणा दर्यादेगेर जालो.
ह्या वेळार बंजारा समाजा वतीन उबारिल्ले माचयेर समाजाचे स्वामी जितेंद्र महाराज गोर धर्मपीठ (महाराष्ट्र), सोमलिंग महाराज (कर्नाटक), सरदार सेवालाल महाराज (कर्नाटक), केंद्रीय राज्यमंत्री श्रीपाद नायक, मुरगांवचे आमदार संकल्प आमोणकार, वास्कोचे आमदार कृष्णा साळकार, सांताक्रूझचे आमदार रुडॉल्फ फर्नाडीस, मुरगांवचे नगराध्यक्ष गिरीश बोरकार, राज्य मानव संसाधन विकास मंडळाचे उपाध्यक्ष दीपक नायक, आदले उपनगराध्यक्ष अमय चोपडेकार, नगरसेविका श्रध्दा आमोणकार, सांकवाळची पंच अनुषा गोविंद राठोड, मगो पक्षाचे युवा फुडारी केतन भाटीकार, राजेश शेट्टी (कर्नाटक भाजप सेल सचीव), विकास जाधव (महाराष्ट्र), गोंय बंजारा समाजाचे अध्यक्ष आनंद हंगडी, कार्याध्यक्ष सुरेश राजपूत, उपाध्यक्ष गोविंद राठोड, गोपाल लमाणी, शिव सोनार, राजू नायक, सरचिटणीस थौरप्पा लमाणी, जोडसचीव धनंजय चौहाण, भांडारी भोजू राठोड आनी कर्नाटक, महाराष्ट्रांतले बंजारा समाजाचे प्रतिनिधी हाजीर आशिल्ले.
कार्यावळीची सुरवात समाजांतल्या शालेय विद्यार्थ्यांनी सेवालाल महाराजां वयल्या येवकार नाच आनी गितान केली. परांत हाजीर आशिल्ल्या समाजाच्या स्वामी महाराजांचे हस्तुकीं स्वामी सेवालाल महाराजांची पुजा केली.
ह्या वेळार आमदार संकल्प आमोणकार, आमदार कृष्णा साळकार, आमदार रुडॉल्फ फर्नांडीस, विकास जाधव आनी हेरांनी समाज भावांक मार्गदर्शन केलें.
अध्यक्ष आनंद हंगडे हांणी येवकार दिलो. कार्याध्यक्ष सुरेश राजपूत हांणी प्रास्तावीक केलें. सरचिटणीस थौरप्पा लमाणी हांणी सुत्रसंचालन केलें. जोडसचीव धनंजय चौहान हांणी उपकार मानले. ह्या वेळार सरदार सेवालाल महाराज, सोमलिंग महाराज हांचे वतीन प्रवचन जालें. सांस्कृतीक कार्यावळी वरवीं कार्यावळीची सांगता जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
