भांगरभूंय | प्रतिनिधी
चित्रां काडटना रायनाक आपल्या ड्रॉईंग टिचरीची याद जाली. बायुलागेर येतकच तांणे सगळ्यांक विचारलें. आमी टिचरीक ” शिक्षक दिनाक” कितें भेंट व्हरुया? “
“आरे ! बरी याद केली तुवें. खरेंच कितें करया. आमकां कांय सुचना.”
“हांव सांगतां. पळयात तुमकां आवडटा तर”.
” सांग, सांग” म्हणलें भुरग्यांनी.
“तुमकां जें करपाक जमता म्हणल्यार, सोंपे जाता तेंच”.
“म्हाका ड्रॉइंग येता. हांव चित्र काडटलो ” रायनान सांगलें.
“कसलें?”
“फुलां काडुन रंग भरुन व्हरतलो”….
“फुलांचो तुरो” बावलेन विचारलें.”
व्वा ! बरी आयडिया…म्हणलें हेरांनी.
“सांगात तुमकां कितें करपाक जाय?”
आमी टिचरीचेर गीत गायतलीं.. , प्रॅक्टीस केल्या.
“हांव टिचरीचेर स सात वळी बरोवन व्हरतलों ” .प्रणवान सांगलें.
” मम्माक वाचून दाखय, ना जाल्यार हांव सारके करुंन दिता “.
” बरें, बरें “.
” म्हाका टिचरीचेर काणी सांगपाक जाय” उमेश उलयलो.
” हांव सुविचार कॉपी करुन व्हरतलो, सुंदर उतरांत “.
व्वा! व्वा ! म्हणलें बावलेन. ” कितली शाणीं जाल्यात तुमी, अपुरबायेची.” बायुलाची बावलेक आनंद जालो.
“टिचर व्ही लव यु” म्हूण हांव रंगीत अक्षरांनी बरोवन व्हरतलें म्हणलें रेवान.
“व्ही वॉन्ट यु ” हांवुय बरयतलें.” रेश्मान म्हणलें.
“हांव पापाक सांगुन केक घेवन वतलें ” म्हणलें रेवतीन.
“यु आर अवर बेस्ट फ्रेंन्ड ” बरोवन बोर्डार लायतलें.” नेहा
“यु आर अवर गुड टिचर ” कार्ड करुंन…हांव बरोवन टिचरीक दितलें.
म्हाका बरें दिसलें पयशे मोडी नासतना, आपली तकली वापरुन तुमी कितें तरी करतलीं ” .
बावलेन भुरग्यां खातीर खूब ताळयो मारल्यो. भुरग्यांकय खूब उमेद जाली. जण एकल्यान आपल्या घरांतल्या जाणट्यांक दाखोवन सारकें करुंन व्हरप”.
” म्हजे मम्माक वेळ ना “
मागीर सगळें हांगाच घेवन येयात, करया, तुमच्या मनांत आसा तशें”.
“बरें जालें “
“घरांत पापाय कामांत आसता”
“आजी हे दिसांनी बरी ना “
“बरें, तुमी हांगाच करात. एकामेकांचो आदार घेयात”…. बावली उलयली.
“सरस्वतीचें चित्र पेपराचेर चिकटावन व्हेल्यार जाता न्हय ?”
” हय , हय” म्हणलें बावलेन.
” तुमकां कोणाक सर्वपल्ली राधाकृष्णनाचें चित्र दसोवन व्हरपाक आवडटले? ..”
” तांकांच लागून हो दीस मनयतात ” बावलेन सांगलें.
“आमी ताची चित्रां घेवन वतले”.
करतां करतां भुरग्यांचो एसायनमेंन्ट कसो पूर्ण जाल्लो. तकलेंत मांडणी घेवन उमेदीन भुरगीं आपल्या
टिचर्स डे मनोवपाचे तयारेन घरा वचपाक भायर सरलीं. भोव खोशयेन भरिल्लीं भुरगीं आनी तांची बायुलाची बावली. ” शिक्षक दीसाची सगळ्यांक परबीं “.
” गुरु सगळ्यांक व्हडलो…. आवय म्हणल्यार गुरुच”.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
