शिंयाच्या दिसांनी ह्यो संवयो पाळात
भांगरभूंय | प्रतिनिधी
आयचे व्यस्त जिणेंत सगळेच आपापल्या कामांत व्यस्त आसतात. तांकां स्वताची काळजी घेवपाक लेगीत वेळ मेळना. दिसभर चिडचिडे, थकिल्ले आनी सुस्त आशिल्ले जायते लोक तुमी पळयल्यात आसतले. हाचो परिणाम तांच्या वेवसायीक आनी वैयक्तीक जिणेचेर जाला. पूण तुमी तुमची जिणेपद्दत बदलून हें टाळूंक शकतात. दर दिसा सकाळीं उठून कांय संवयी आपणायल्यार दिसभर उर्जा मेळूंक शकता. सकाळीं बरी सुरवात केल्यार सगळो दीस बरो वता, देखून सकाळीं कांय नेम पाळात. जे तुमकां दिसभर उर्जा मेळपाक मदत करतले.
ह्यो संवयी पाळच्यो
सकाळीं बेगीन उठप: सकाळीं बेगीन उठपाची संवय करात. अशें केल्यार कुडीक दिसभर उर्जा उरता. दर दिसा बेगीन उठपाची जावपाची संवय जायत्या दुयेंसां पासून राखता.
सकाळीं उठले काय उदक पियेवचें: सकाळीं उठले काय गरम उदक पियेवप होय एक बरो पर्याय. तुमच्या पचनक्रिया खातीर फायद्याचो थारता. गरम उदक सैमीक डिटॉक्स सारकें आसता. ताका लागून आमची कूड विखारी पदार्थ भायर काडटा.
व्यायाम: तुमी तुमचो दीस व्यायामान सुरू केल्यार तो तुमकां खूब फायद्याचो.व्यायाम म्हळ्यार योग वा वेगान चलूं येता. ताका लागून तुमची उर्जेची पातळी वाडोवपाक आनी तुमचो मूड सुदारपाक मदत जातली.
ध्यान: ध्यान तुमचें मन शांत करता आनी तुमकां कामाचेर चड लक्ष केंद्रीत करपाक मेळटा. हाचे खातीर कांय मिण्टां ध्यान करचें, जाय जाल्यार मनाचो सराव करूं येता. हें तुमी ध्याना वरवीं वा खोल उस्वासांतल्यान करतात. तुमकां जाय जाल्यार सकाळीं मृदु संगीत आयकूनय तुमचो मूड सुदारूं येता, जाका लागून तुमचें मन शांत आनी रिलेक्स जाता.
निरोगी नाश्तो : आमी खातात त्या जेवणांतल्यान आमचे कुडीक उर्जा मेळटा. देखून सदांच निरोगी नाश्तो खावचो. नाश्त्याक प्रथिनां, कार्बोहायड्रेट आनी निरोगी चरबी आशिल्ले जिन्नस खावचे. तातूंतल्यान तुमकां तुमचो दीस सुरू करपाक उर्जा मेळटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
