भांगरभूंय | प्रतिनिधी
शिंयाच्या दिसांनी गरम च्या पियेवपांत एक वेगळीच मजा आसता. चडशे लोक शिंयाच्या दिसांनी आंगांत उब निर्माण जावपा खातीर च्या पियेतात. दूद आनी उदका वांगडाच च्यावेंत मसाल्याचें प्रमाण फावो त्या प्रमाणांत आसल्यार ती च्या भलायके खातीर खूब फायद्याची थारता. कांय लोक च्यावेंत साकर वा स्टेव्हिया घालतात. पूण शिंयाच्या दिसांनी साकरेच्या जाग्यार गोड घालून च्या पिल्यार भलायकेक खुबशे फायदे जातात.
गोड भलायके खातीर खूब फायद्याचें अशें मानतात. गोड घालून च्या पियेल्यार भलायकेक जायते फायदे जाणवतात. शिंयाच्या दिसांनी गोड घालून च्या पिल्यार कितें फायदे जातात हें जाणून घेवया.
चडशा लोकांची शिंयाच्या दिसांनी पचनशक्त दुबळी जाता. ह्या हंगामांत आमची पचन तंत्र मंद गतींत काम करता. ताका लागून बडबड, बेजारप अशे त्रास जावपाक शकतात. अशे परिस्थितींत गिमाच्या दिसांनी दर दिसा गोडाची च्या पियेवपाक सुरवात करची. हाका लागून पचनक्रिया सुदारता. गोड कुडीक उर्जा दिता. कुडींतल्यान आळस काडून उडयता आनी तशेंच ताका सक्रीय दवरता. गोडाची च्या पिल्यार शिंयाच्या दिसांनी जोर येवपा पसून सुटका जाता.
गोडाची च्या पिल्यार रगत उणें जावपाचोय धोको उणो जाता, हें जाणून तुमकां अजाप जावं येता. जेन्ना आमचे कुडींत फावो त्या प्रमाणांत हिमोग्लोबीन तयार जायना तेन्ना कुडींत रगत उणें जावपा सारकीं लक्षणां दिसूंक लागतात. हीं दुबळेपणाचीं लक्षणां आसूं येतात. ह्या लक्षणां पसून सुटका मेळोवपा खातीर गोडाची च्या पियेवची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
