भांगरभूंय | प्रतिनिधी
गोंयांत थंडी पडूंक लागल्या. गुलाबी थंडी हांगासर पडपाक लागल्या. चडश्या लोकांक थंडी मानवता. असल्या दिसांनी तांची भलायकी बरी उरता अशेंय तांचें म्हणणें आसता. ऑक्टोंबर, नव्हेंबर, डिसेंबर आनी जानेवारी हे म्हयने थंडी पडपाचे. हे सगले इंग्लीश म्हयने. आमचे म्हयने म्हणल्यार आश्वीन, कार्तीक, मार्गशीर्ष आनी पौष. अशें म्हणटात मनशांच्यी भलायकी थंडेच्या दिसानी बरी उरता. पूण, थंडीच्या दिसांनी जो मनीस आंगान मोटो जाता ताका दुयेंसकार म्हणूं येता. ह्या दिसांनी गोंयांत विंगड विंगड वाठारांनी चड थंडी पडपाक लागल्या. देखून सकाळीं हातरुणांतल्यान उठपाक कशेंच जायना. थंडी पडपाक लागली म्हणटकच आमी समजुपाचें आमचे काले जात्रा लागीं पावल्यो.
तें कितेंय जावं पूण पयलीं भशेन आतां थंडी पडना. दोन दीस पडली जाल्यार दोन दी ती नाच्च जाता. सांगपाचें म्हणल्यार सामकीच लागून ती पडना. आतां सगलेंच कितें बदलिल्लें दिसता. गीतकारानी थंडेचेरूय कितलींशींच गीतां बरयल्यांत. ती म्हणल्यार थंडी थंडी हवामे दिल ललचाय, जब चली थंडी हवा, थंडी हवाये लहराके आये. ताका लागून तांची तोखणाय करीनशी दिसता. अशीं तीं गीतां थंडीच्या दिसांनी आयकूंक मेळत जाल्यार कितलें बरें जातलें न्हय?
थंडीच्या दिसांनी कितल्याशाच लोकांचे ओंठ फुट्टात. ताका लागून तांकां उलोवपाक वा कितेंय खावपाक त्रास जाता जावये. तेन्ना ते ओले उरपाक लागून बरी क्रीम ओंठाक लावपा खातीर ताचो वापर करचो. ताका लागून वायट कितेंय घडचें न्हय हाची दर एकल्यान जतनाय घेवची. थंडीच्या दिसांनी भुकूय बरी लागता. तान चड लागना, पूण भलायकी बरी उरपा खातीर जाय तितलेंच उदक पियेवप सदांच बरें.
थंडीच्या दिसांनी जावपी बदलांक लागून कांय वेळा आमचे कुडींत थकवो, अशक्तपणा जाणवपाची शक्यताय आसता. हवेतली आद्रता आनी थंडायेक लागून थंडी, खोंकली, जोर आदीं बराबरच कुडींतली उर्जा उणीं जावंक लागता. खूबशे फावटी कामाचे धांवपळीन भलायकी कडेन लक्ष दिवपाक चड वेळ मेळना. अशा वेळार आहारांत बदल करून कुडीची जतनाय घेवची. शिंयाच्या दिसांनी सकाळच्या नाश्ट्यांत नेमान डाळींब खावचें. डाळींब खाल्ल्यान कुडींत निर्माण जाल्लो रगताचो उणाव भरून येवपाक मजत जाता.
थंडीच्या दिसांनी सकाळीं उठून भायर शेकोटी पेटोवन उज्याची उब घेत जाल्यार मात थंडी खंयचे खंय नाच्च जावं येता. ताका लागून घरा भायर वचूंक मेळटा. कामाक वता आसतना थंडी जाणवना. थंडीच्या दिसांनी थंड खावप उपकारना. गरम खावप सामकें गरजेचें. घरा भायर सरचें पयलीं कानटोपी आनी लांब हाताचो स्वेटर आंगांत घालचें आनी मागिरूच घरा भायर सरचें. हें सामकें मतींत दवरचें. पयलींच्या दिसानी चार म्हयने थंडी पडटाली पूण, आतांच्या दिसांनी ती दोन म्हयनेय पडना हें कित्याक लागून ते जाणकार जाणा आसतलें.
मे म्हयन्या सावन सुरू जाल्लो पावस नोव्हेंबर मेरेन पडत आशिल्लो. पावस चालूच उरलो. सप्टेंबर, ऑक्टोबर म्हयन्यांत परतीच्या पावसान खवदळ घालो. नोव्हेंबर म्हयन्याच्या पयल्या सप्तका मेरेन पावसाच्यो दडको पडटाल्यो आनी ते खातीर शिंयाचे दीस लांबत गेले. पावस गेलो आनी थंडी पडूंक लागली. हवामानांत मात्सो बदल जालो. सुरवेक थंडसाण आनी उपरांत शीं जाणवूंक लागलें. फांतोडेर आनी सांजवेळाय वातावरणांत थंडसाण जाणवता. शिंयाचे दीस सुरू जाल्यात तापमान आनीक उणें जावन कुलकुल्याचें शीं पडटलें असोय अदमास उक्तायतात.
पूण एक मात सामकें खरें पावसाच्या दिसांनी वचत थंय चिखल आनी रेबो गरमेच्या दिसांनी धुल्ल आनी सोंसूंक जायना असली गरमी. हांचे तुळेन थंडीचे दीस सामके बरे अशें म्हाका तरी दिसता.
गुरुदास नाडकर्णी
9657573975
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
