भांगरभूंय | प्रतिनिधी
खबरां संस्था ः भारतांतल्या वेगवेगळ्या शाळांचे गणभेस आनी ते खातीरचे नेम हो सदांच चर्चेचो विशय थारला. गणभेसांच्या नेमांक कांय विद्यार्थी तशेंच पालकय विरोध करतात. मजगतीं, राजस्थानांतल्या भाजपा सरकारान शाळेच्या गणभेसा विशीं खर भुमिका घेतल्या.
विद्यार्थ्यांनी शाळेच्या गणभेसाक पाळो दिवचो. गणभेसाचें पालन करचे नात अशा विद्यार्थ्यांचेर खर कारवाय करतले अशें राजस्थानाचे शिक्षण मंत्री मदन दिलावर हांणी सांगलें. शाळेचो गणभेस सोडून हेर खंचेय कपडे घालप योग्य न्हय. देखून शाळेंतल्या सगळ्यांनीच गणभेसाचें पालन करचे असो उलो दिलावर हांणी मारलो.
मजगतीं, फाटल्या सप्तकांत राजस्थानांतल्या एका शाळेंत हिजाब घालून एक विद्यार्थी आयिल्ल्यान वाद जाल्लो. उपरांत गणभेसा विशीं नेम मोडपी विद्यार्थ्यां आड खर कारवाय करतले अशी शिटकावणी मदन दिलावर हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
