भांगरभूंय | प्रतिनिधी
राष्ट्रीय कुटुंब भलायकी सर्वेक्षणाचो अहवाल
नवी दिल्ली, खबरां संस्था ः सोरो पिवप भलायकेक धोको निर्माण करपाक शकता हें खबर आसून लेगीत जायते जाण मद्यपान करतात. भारतांत फाटल्या दशकांत सोरो पिवपाचें प्रमाण खूब वाडलां. डीएनएच्या अहवाला प्रमाण, जर्मनींतल्या टीयू ड्रेस्डेन कंपनीन 2019 वर्सा केल्ल्या अभ्यासांत अशें दिसून आयलां की, भारतांत 2010 ते 2017 ह्या काळांत मद्यपान करपाचें प्रमाण 38 टक्क्यांनी वाडला, हें प्रमाण दर वर्सा दर प्रौढा फाटल्यान 4.3 ते 5.9 लिटर इतले आसा.
राष्ट्रीय कुटुंब भलायकी सर्वेक्षण-5 (NFHS-5) प्रमाण 2019 ते 2022 मेरेन केल्ल्या सर्वेक्षणांत शारां परस गांवगिऱ्या वाठारांनी मद्यपानाचें प्रमाण चड आशिल्ल्याचे दिसून आयले. राज्यांमदीं अरुणाचल प्रदेशांत सगळ्यांत चड सोरो पियेतात.
अरुणाचल प्रदेशांत दादल्यांचे मद्यपान करपाचें प्रमाण 53 टक्के जाल्यार बायलांचें प्रमाण 24 टक्के आसा. अरुणाचल प्रदेशा उपरांत सिक्किमांत 16% बायलो सोरो पितात.
भारतांत बायलां मदीं मद्यपान वाडपाक जायतीं कारणा आसात. वाडत वचपी अर्थीक स्वातंत्र्य आनी बदलपी समाजीक भुमिका हाका लागून बायलांक मद्यपान करपाची परवानगी मेळ्ळां. ते भायर चड विविधतायेचे पर्याय आनी थळाव्या ब्रँडां सयत सोऱ्याच्या बाजारपेठेचो विस्तार जाल्ल्यान बायलांक सोरो पिवप सोंपे जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
