भांगरभूंय | प्रतिनिधी
भांगरभूंय । खबरां मेज
पणजीः गोंयच्या तियात्र माचे वयली पयली बायल कलाकार सर्गेस्त रेजिना फर्नांडीस हिचो 16 नोव्हेंबर व्हो जल्मदीस तियात्र अकादेमी ऑफ गोवा (टीएजी) मनयता. त्या निमतान तियात्र मळार योगदान दिल्ल्या दोन तरणाट्या कलाकारांक पुरस्कार भेटोवन तांचो भोवमान करता. अंदू हे पुरस्कार शनया परेरा आनी एव्हरिस्टो रॉड्रिग्ज हांका दिल्यात.
बुधवार 16 नोव्हेंबराक दनपारां 3.30 वरांचेर पणजे इन्स्टिट्यूट मिनेझीस ब्रागांझाच्या कॉन्फरन्स हॉलांत जावपी कार्यावळींत हे पुरस्कार भेटयतले. उपरांत कोंकणी म्युझिकल शो जातलो. कार्यावळीक गोंयचो आदलो सभापती आनी तियात्र अकादमीचो आदलो अध्यक्ष तोमाझीन कार्दोज मुखेल सोयरे म्हणून हाजीर रावतलो. मिनिनो फर्नांडीस ( मिनीन दे बांदार) आनी सोकोर फर्नांडीस ह्या वेळार हाजीर रावतले. तियात्र मोगीन कार्यावळीक हाजीर रावचें अशें टीएजीन मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
