शणै गोंयबाब कथामाळेची मुळावी फेरी 26 ऑगस्टाक
भांगरभूंय | प्रतिनिधी
प्रतिनिधी: मडगांव : कोंकणी भाशा मंडळ, गोंय आयोजीत 22व्या शणै गोंयबाब कथामाळेची मुळावी फेरी अंदूं 26 ऑगस्टाक जातली. सर्तीक मेळपी उपाट प्रतिसाद पळोवन आयोजकांनी फाटलीं कांय वर्सां जिल्लो पातळेचेर सर्तीचें आयोजन केलां. जिल्लो पातळेवयल्यो ह्यो फेरयो 03 सप्टेंबर सकाळच्या 9 वरांचेर कोंकणी भाशा मंडळांत जातल्यो आनी मागीर त्याच दिसा सांजे वेळार राज्य स्तरीय सर्त जातली.
केंद्रीय पांवड्या वेयली सर्त वट्ट 18 केंद्रांनी चलतली. बारा म्हालांनी 12 आनी कुंकळ्ळी, बार्देस, फोंडें, तिसवाडी आनी मडगांव मेळून वट्ट 18 केंद्रांचेर ही सर्त जातली. साश्टी आनी केपें म्हालांतल्या कांय विद्यालयांचो आसपाव कुंकळ्ळी केंद्राचेर केला. वट्ट 160 वयर परिक्षक आनी 300 वयर आपवावुरपी ही सर्त येसस्वी करपाक वावुरतले अशें आयोजकांनी कळयलां. आयोजकांनी हालींच शिक्षक, परिक्षक तशेंच म्हाल संयोजकां खातीर खासा कार्यशाळा घडोवन हाडून हे सर्ती फाटलो हेत तशेंच सर्तीचे नेम तांचे मेरेन पावयल्यात.
ही कथामाळ पयली ते चवथी, पांचवी ते सातवी आनी आठवी ते धावी अशा तीन गटांनी आयोजीत जातली. सगळ्या सर्तकांक प्रशस्तीपत्रकां आनी केंद्रावयल्या जैतिवंतांक पुस्तक रुपान इनामां भेटयतले. ही सर्त पयलीं शाळेंत घेवची ह्या मंडळाच्या उल्याक साबार शाळांनी उस्फूर्त प्रतिसाद दिला. शालेय पातळेवयल्या जैतिवंतांक शाळांनी केंद्र पातळेचेर धाडचें अशें मंडळाचें मत आसा आनी शालेय पांवड्यावय×ल्या ह्या सर्तकांकय मंडळ प्रशस्तीपत्रकां भेटयतलें.
केंद्रीय पांवड्यार जावपी सर्तींत दर एका गटांतल्यान जर पंदरा मेरेन सर्तक वांटेकार जाले जाल्यार तांच्यांतल्यान दोन जैतीवंत आनी मागीरच्या दरेका पंदरा सर्तकां फाटल्यान आनीक एक जैतीवंत वेंचून काडटले असो नेम आसलो तरीय कितले सर्तक निमण्या पांवड्यार वेंचून काडचे हाचे पुराय स्वातंत्र्य आयोजकांनी परिक्षकांक दिलां.
ह्या कथाकथान सर्ती संबंदीची सगळी म्हायती आनी नेम गोंयांतल्या सगळ्या मुळावे आनी माध्यमीक शाळांनी पावयल्यात. चड म्हायती खातीर, सर्तीचे संयोजक पलाश अग्नी हांकां 7350426399 ह्या क्रमांकाचेर वा सह-संयोजक शलाका देसाय हांकां 9049750869 ह्या क्रमांकाचेर संपर्क करचो.
सर्तीचें सविस्तर वेळापत्रक फुडें दिल्ले प्रमाण-
| क्र. | केंद्र | तारीक | वेळ | स्थळ | संलग्न संस्था |
|---|---|---|---|---|---|
| 01 | धारबांदोडा | 26/08/2023 | 9.00 | सरकारी प्राथमिक शाळा, तामसोडा | श्री. कामाक्षी आई स्पोर्टस अँड कल्चरल क्लब |
| 02 | सांगें | 26/08/2023 | 9.00 | मिरेक्लस हाय स्कूल, सांगें | सम्राट क्लब, कुडचडें |
| 03 | काणकोण | 26/08/2023 | 9.00 | श्रध्दानंद विद्यालय, काणकोण | आविश्कार, काणकोण |
| 04 | फोंडें 1 | 26/08/2023 | 2.00 | जि व्ही एम्स् प्राथमीक विद्यालय, फोंडें | पी. ई. एस शिक्षणीक म्हाविद्यालय, फोंडे आनी युवा कला मोगी |
| 05 | फोंडें 2 | 26/08/2023 | 2.00 | जि व्ही एम्स् प्राथमीक विद्यालय, फोंडें | कटमगाळ दादा पंगड, फोंडें आनी सावय वेरेंचो सख्याहरी, सावय वेरें |
| 06 | कुंकळी | 26/08/2023 | 2.00 | सी. ई. एस म्हाविद्यालय, कुंकळ्ळे | सी. ई. एस म्हाविद्यालय, कुंकळ्ळे |
| 07 | केपें | 26/08/2023 | 2.00 | सर्वोदया स्कुल, कुडचडें | सरकारी म्हाविद्यालय, केपें |
| 08 | सत्तरी | 26/08/2023 | 9.00 | सरकारी विद्यालय, वाळपय | साहित्य मंथन, सत्तरी आनी सरकारी म्हाविद्यालय, सांखळी |
| 09 | मडगांव 1 | 26/08/2023 | 9.00 | कोंकणी भाशा मंडळ, मडगांव | रोझरी म्हाविद्यालय, नावेली, साश्ट |
| 10 | मडगांव 2 | 26/08/2023 | 9.00 | कोंकणी भाशा मंडळ, मडगांव | रोझरी म्हाविद्यालय, नावेली, साश्ट |
| 11 | मुरगांव | 26/08/2023 | 2.00 | सँट अँन्ड्र्यु हायस्कूल, वास्को | आघाज- रायजींग ऑफ युथ |
| 12 | दिवचल | 26/08/2023 | 2.00 | सरकारी माध्यमीक शाळा, दिवचल | दिवचल कोंकणी सेवा केंद्र आनी झांटये म्हाविद्यालय, दिवचल |
| 13 | पेडणें | 26/08/2023 | 9.00 | ए.डी.ई.आय कार्यालय, पेडणें | संत सोयरोबानाथ आंबिये सरकारी म्हाविद्यालय, पेडणें आनी आमी पेडणेकार, पेडणें |
| 14 | तिसवाडी 1 | 26/08/2023 | 2.00 | बाल भवन, पणजी | गोंय विद्यापीठ, ताळगांव |
| 15 | तिसवाडी 2 | 26/08/2023 | 2.00 | बाल भवन, पणजी | धेंपे म्हाविद्यालय, पणजी |
| 16 | म्हापशें 1 | 26/08/2023 | 2.00 | सँट झेवियर्स म्हाविद्यालय, म्हापशें | सँट झेवियर्स म्हाविद्यालय, म्हापशें |
| 17 | म्हापशें 2 | 26/08/2023 | 2.00 | सँट झेवियर्स म्हाविद्यालय, म्हापशें | सँट झेवियर्स म्हाविद्यालय, म्हापशें |
| 18 | म्हापशें 3 | 26/08/2023 | 2.00 | सँट झेवियर्स म्हाविद्यालय, म्हापशें | डी. एम. सी म्हाविद्यालय, आसगांव |
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
