शंभरी मेरेन जगचें आसल्यार रगत नितळ करात: रगत नितळ करपाक हें खायात

भांगरभूंय | प्रतिनिधी

रगतांत वायट कितेंय आसल्यार तें काडून उडोवपाक, रगत घोळप सुदारपाक, अवयवांचें काम वाडोवपाक, रोगप्रतिकारशक्त वाडोवपाक, आदल्या दुयेंसां पसून पयस उरपा खातीर आनी उर्जा वाडोवपाक रगत शुद्ध आसप गरजेचें.

तुमचीे कूड योग्य तरेन काम करपा खातीर रगत नितळ दवरप खूब म्हत्वाचें. रगत नितळ करपाचें काम तुमचीं किडनी करतात. ताका लागून तुमच्या आहारांत कांय गजालींचो आसपाव करून सैमीक रितीन रगत नितळ करूं येता. नेमकें कितें खावचें आनी कितें खावचें न्हय?

किडनी पिड्ड्यार जाल्ल्याचीं लक्षणां

किडनी बरे तरेन काम करपाक ती नितळ आसप गरजेचें. कुडींत जमिल्ली घाण आनी विखारी पदार्थ रगत प्रदुशीत करता आनी किडनीच्या कार्याचेर परिणाम करता. तशेंच ताका लागून सुज, फातर आनी युरीक ऍसीडा सारकीं दुयेंसां जातात. तशेंच किडनी नितळ केल्यार हार्मोनल असंतुलन सुदारता आनी पिंपल्स, एक्झिमा आनी हेर कांतीचीं दुयेंसां पयस करपाक मजत जाता.

भाजयो

पालक, मेथी, टोमॅटो, गाजर, शिमला मिरची, कोबी आनी हेर पांचव्यो भाजयो तुमचें रगत नितळ करपाक मजत करपाक शकता. ताका लागून आहारांत सगळ्या गजालींचो योग्य प्रमाणांत आसपाव आसप गरजेचें.

फळां

आपोल, केळीं, संत्री, दाळींब, आंबो, स्ट्रॉबेरी आनी हेर फळां रगताच्या शुद्धीकरणांत मजत करतात. जाका लागून तुमचें रगत नितळ आनी निरोगी जाता.

आहार

पोळी, तांदूळ, चपाती, ब्रेड, दाळ, धान्यां आनी हेर गजाली. तृणधान्यां तुमचें रगत निरोगी आनी शुद्ध दवरपाक मजत करतात.

पाचव्यो भाजयो

कोथंबीर, पुदिना, तुळस, करपील हेर जायतीं पांचवीं पानां तुमचें रगत शुद्ध करतात. पांचव्यो भाजयो तुमची सकाळीं चावे वेळार खाल्यार बर्‍यो. तुळस मुतपाचेय प्रमाण वाडोवपी वनस्तप. तुळस किडनीचे फातर काडून उडयता आनी किडनीचें काम सुदारता. तुळशीक लागून रगतांतल्या युरीक ऍसिडाची पातळी उणी जाता आनी ताची भलायकी सुदारता.

सुकीं फळां

अक्रोड, बदाम, काजू, पिस्ता, सूर्यफुलाच्यो बिया, चिया बियो इ. नट आनी काजवाच्यो बियो रगत शुद्ध करतात. तशेंच हळद, लसूण, आलें, गोड, लिंबू, आंवाळो रगत शुद्ध करता.