भांगरभूंय | प्रतिनिधी
मुरगांवः सडा वाठारांत नव्या कोयर प्रकल्पांत एकठांय केल्लो प्लास्टीक कोयर उखलूंक नाशिल्ल्यान ताचो निशेध म्हूण समाज वावुरपी शंकर पोळजी हांणी कोयराचेर न्हिदून लाक्षणीक उपास केलो. आंदोलनाची दखल घेवन प्रशासनान ट्रकांतल्यान कोयर व्हरपाक सुरवात केली. ह्या कामांत घाळपणा केली जाल्यार आपूण परतून उपासाक बसपाक फाटीं फुडें पळोवचों ना, अशी शिटकावणी तांणी दिली.
सड्यार कोयर प्रक्रिया प्रकल्प उबारिल्लो. तातूंत ओल्या कोयरा पासून तयार केल्लें सेंद्रीय सारें तशेंच प्लास्टीक कोयर कांय फॅक्टरींक धाडटाले. मात कोरोना म्हामारीक लागून तातूंत आडखळ आयली. थंयच्या ओल्या कोयराचो विलो लायलो, पूण प्लास्टीक कोयर थंयच पडून आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
