भांगरभूंय | प्रतिनिधी
नवी दिल्ली, खबरां संस्था ः व्हॉट्सअॅपान हालींच भारतांत आपलें व्हॉट्सअॅप चॅनल सुरू करपाची घोशणा केल्या. मेटान भारता सयत 150 वयर देशांनी व्हॉट्सअॅप चॅनल फीचर सुरू केलां. मेटाचे मुखेली मार्क झुकरबर्ग हांणी ही म्हायती एका पोस्टां वरवीं दिल्या.
हें नवें खाशेलपण वापरप्यांक तांच्या आवडीच्या कंटेंट क्रिएटर्स, वेवसाय आनी सेलिब्रिटींनी तयार केल्लीं चॅनलां सोदून काडपाक मेळटलीं.
व्हॉट्सअॅप चॅनल खाशेलपण कशें काम करता?
चॅनल वैशिश्ट्य इंस्टाग्रामाच्या चॅनल वैशिश्ट्या सारकें काम करता, जातूंत प्रशासक आपल्या फॉलोअर्स खातीर फोटो, व्हिडियो, इमोजी, व्हॉयस-नोट्स आदी पोस्ट करूंक शकतात. चॅनलांत सामील जावपाक पयलीं तो सोदचो पडटा. चॅनलांतलो एडमिन आनी फॉलोअर्सचो तपशील एकामेकांक दिसना आनी ताचे वरवीं लोक आपल्या आवडीच्या निर्मात्या कडेन वा मनशा कडेन सहजतायेन जोडूंक शकतात.
सध्या चॅनल खाशेलपण नवें आसा. येवपी काळांत कंपनी जायतीं अपडेट हाडपाची आसा. बेगीनूच एडमिनांक 30 दिसां भितर आपल्या चॅनलांतल्यान पोस्ट एडिट करपाक मेळटल्यो. हाचे उपरांत तो व्हॉट्सअॅप सर्वरांतल्यान डिलीट जातलो. तशेंच, जर एडमिनान खंयचेंय चॅनल पोस्ट गटांत वा चॅटांत शेअर केले जाल्यार दुसऱ्या मनशाक चॅनलांत सामील जावपाचो पर्याय मेळटलो (लिंक बॅक). हाका लागून वापरप्याक त्या विशयाची चड म्हायती मेळूंक शकता.
व्हॉट्सअॅप चॅनल खाशेलपण अशें वापरात
व्हॉट्सअॅप चॅनल कशें तयार करप?
तुमी तुमचें नांव खंयच्याय वेळार बदलूं येता. तशेंच तुमी वर्णन आनी चिन्न जोडून तुमचें चॅनल सानुकूल करूंक शकतात.
व्हॉट्सअॅप हें चॅनल सुरू करपाचे प्रक्रियेंत आसा, पूण सध्या तें सगळ्यांक मेळना. प्रवेश आशिल्ल्यां खातीर मेटा-मालकीदार प्लॅटफॉर्म नवी कार्यक्षमताय सुरू करता. कांय वैशिश्ट्यां, जशीं चॅनल तयार करप, ह्या वेळार कांय वापरप्यांक उपलब्ध नासूं येतात. तशेंच व्हॉट्सअॅप बिझनेस अॅपा वरवीं चॅनलांत प्रवेश मेळटलो. सुरवेक भारतीय क्रिकेट पंगड, कॅटरीना कैफ, दिलजीत दोसांझ, अक्षय कुमार, विजय देवेरकोंडा आनी नेहा कक्कर अशें चॅनल आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
