भांगरभूंय | प्रतिनिधी
व्हॉ ट्सअॅप हो इन्स्टंट मेसेजिंग प्लॅटफॉर्म आपल्या वापरप्यांचे
सुरक्षे खातीर कांय अपडेट दित रावता. तो वापरप्यां खातीर सुरक्षीत प्लॅटफॉर्म अशें कंपनीचें मत. हाचे पयलींय कंपनीन वापरप्यां खातीर सुरक्षेचीं खाशेलपणां सुरू केल्यांत. आतां परत एक फावट मूळ कंपनी मेटान व्हॉट्सअॅपा खातीर कांय नवे सुरक्षा खाशेलपण जाहीर केल्यात. कंपनीन तीन सुरक्षेच्या खाशेलपणांची वळेरी जाहीर केल्या. फुडल्या म्हयन्यांत हीं खाशेलपणां सगळ्यां मेरेन पावयतले, अशें व्हॉट्सअॅपान सांगलां. हे तीन सुरक्षेचे खाशेलपणा खातीर हॅकर्स तुमचें व्हॉट्सअॅप खातें हॅक करपाक शकचे नात. वापरप्यांचें चॅटिंग चड सुरक्षीत जावपाचें आसा. कंपनीन जाहीर केल्ल्या ह्या तीन खाशेलपणां विशीं जाणून घेवया.
खातें संरक्षण (Account Protect)
आतां मेरेन वापरपी एका डिव्हायसा वयल्यान दुसऱ्या डिव्हायसाचेर वतना कसलीच चवकशी कर नाशिल्ले. चवकशी नाशिल्ल्या कारणान हॅकर्स हें लूप हॅकिंग करपा खातीर वापरूं शकता. हाका लागून व्हॉट्सअॅप वापरप्यांक नव्या डिव्हायसाचेर आपलें खातें व्हरपाची प्रक्रिया चड सुरक्षीत जातली. आतां सावन कंपनीन वापरप्यांक अतिरिक्त सुरक्षा तपासणी म्हणून तांच्या पोरन्या डिव्हायसाचेर तांची वळख तपासपाक सांगूं येता, अशें कंपनीन सांगलां. हें स्पश्ट करतना कंपनीन ब्लॉग पोस्टांत सांगलां, नवें खातें संरक्षण खाशेलपण तुमचें खातें दुसऱ्या डिव्हायसाचेर व्हरपाचे अनधिकृत यत्ना विशीं तुमकां कळोवंक मजत करतलें.
डिव्हायस सत्यताय (Device Verification)
मोबायल डिव्हायस मालवेयर हो आयज गुप्तताय आनी सुरक्षे खातीर एक व्हड धोको आसा. कारण ते वापरप्यांच्या फोनाचेर तांच्या परवानगे बगर प्रवेश करतात. हॅकर्स वापरप्यांच्या व्हॉट्सअॅपाचो वापर करून मालवेयर वरवीं चुकीचो संदेश धाडूंक शकतात. हाचे खातीर व्हॉट्सअॅप वापरप्यांचीं खातीं सुरक्षीत उरपा खातीर डिव्हायस सत्यापन खाशेलपण सुरू करपाचे आसा.
स्वयंचलीत सुरक्षा कोड (Automatic Security Code)
तुमी करतात ती चॅटिंग सुरक्षीत आसा काय ना हें कळपाक हें खाशेलपण तुमकां मजत करतलें. तुमी संपर्क म्हायतींत वचून एनक्रिप्शन टॅब वापरून मॅन्युअल स्वरुपांत ताचे व्हेरिफिकेशन करूंक शकतात. ही प्रक्रिया सगळ्यांक सोपी करपा खातीर व्हॉट्सअॅपान “की पारदर्शकता” नांवाचें प्रक्रिया आदारीत सुरक्षा खाशेलपण सुरू केलां. जी ताका आपोआप तुमकां सुरक्षीत जोडणी आसा हाची खात्री करपाक अनुमती दिता. हाचो अर्थ कंपनीन सांगलें, जेन्ना तुमी एनक्रिप्शन टॅबाचेर क्लिक करतात तेन्ना तुमची चॅटिंग सुरक्षीत आसा काय ना हाची तपासणी करुंक शकतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
