व्हीव्हीआयपी दौर्याचे फाटभूंयेर येरादारींत बदल
भांगरभूंय | प्रतिनिधी
पणजी: गोंयांत 4 ऑक्टोबर दिसा जावपी व्हीव्हीआयपी दौर्याचे फाटभूंयेर येरादारी पुलिसांनी राष्ट्रीय महामार्गाचेर कांय व्हड बदल आनी निर्बंध लागू केल्यात, हाका लागून येरादारींत बदल जातलो. दनपरां 12 ते रातच्या 10 वरां मेरेन मार्गांचेर निर्बंध लागू केल्यात.
निर्बंध लागू केल्ले मार्ग
- जड वाहनांक बंदी: एनएच 566 (सड्यार-बिर्ला क्रॉस जंक्शन), एनएच 366 (वास्को-चिखले-कुठ्ठाळे) आनी एनएच 66 (टायटन जंक्शन-कुठ्ठाळे) ह्या मार्गांचेर जड वाहनांचे येरादारीक परवानगी दिवचे ना.
- पार्कींग निर्बंध: नागरिकांनी चिखले सर्कल ते कुठ्ठाळे सर्कल मजगतीं एनएच 366 आनी एनएच 566 तशेंच एनएच 66 च्या रस्त्यांच्या दोट्टी वाहनां उबीं करचीं न्हय. येरादारीक आडखळ हाडपी वाहनां ओडून व्हरतले.
- येरादारी डायवर्जन : वास्कोच्यान वेर्णा-मडगांवां दिकेन वचपी वाहनां मांगोर हिल-वरुणापुरी-शांतीनगर ह्या मार्गावेल्यान वळयतले. तशेंच, वास्को/मुरगांवच्या दिकेन येवपी वाहनां कुठ्ठाळे सर्कल हांगच्या बिर्ला क्रॉस जंक्शना वेल्यान वळयतले. दनपरां 2 वरां उपरांत चिखले सर्कल ते कुठ्ठाळे सर्कल-नवो झुआरी पूल ह्या मार्गाचेर येरादारी प्रभावीत आसतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
