भांगरभूंय | प्रतिनिधी
नवी दिल्ली, खबरां संस्था: केंद्र सरकार व्हिसा- पासपोर्टा बगर भारतांत प्रवेश करपा विशीं खर कायदो हाडटले. जर खंयचोय विदेशी नागरीक वैध पासपोर्ट वा व्हिसा बगर भारतांत प्रवेश करीत जाल्यार ताका पांच वर्सां मेरेन बंदखण आनी पांच लाख रुपयां मेरेन दंड जावपाक शकता.
जर खंयचोय परदेशी व्यक्ती बनावट कागदपत्रां सयत भारतांत प्रवेश कीत जाल्यार ताका हांगच्यान धांवडावपाक शकता. तशेंच दोन वर्सांची बंदखण जावपाक शकता. जी सात वर्सां मेरेन वाडोवपाक शकता. तशेंच १ लाख ते १० लाख रुपयां मेरेन दंड दिवपाक शकता.
हो नेम इमिग्रेशन अँड फॉरेनर्स ऍक्ट, २०२५ खाला आसा, जो सरकार संसदेच्या अर्थसंकल्पीय अधिवेशनांत सादर करतलें. इमिग्रेशन आनी विदेशी लोकांकडेन संबंदीत विशयाचेर केल्ले चार वेगवेगळे नेम एके कडेन करप हो तांचो हेत जावन आसा. नवे नेम लागू जाले उपरांत, विदेशी कायदो १९४६, पासपोर्ट कायदो १९२०, विदेशी नोंदणी कायदो १९३९ आनी इमिग्रेशन (करिअर दायित्व कायदो) २००० त सुदारणा करून एक व्यापक कायदो करतले.
सध्या, बेकायदेशीर प्रवेशा खातीर ५ वर्सांची ख्यास्त आनी दंड
सध्या, अवैध पासपोर्ट वा व्हिसा सयत प्रवास करपी परदेशी नागरिकांक ५ वर्सां मेरेन बंदखण आनी दंडाची ख्यास्त जावपाक शकता. बनावट पासपोर्ट घेवन प्रवेश करप्यांक चडांत चड ८ वर्सांची बंदखण आनी ५०,००० रुपया दंडाची तरतूद आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
