भांगरभूंय | प्रतिनिधी
परदेशांत वचपाक व्हिसा आनी पासपोर्ट ह्या दोगांयची गरज आसता. पूण कांय देश अशे आसात जंय भारतीय नागरिकांक फकत पासपोर्टाचे मजतीन वचूंक मेळटा. संवसारांत जायते देश अशे आसात जंय भितर सरपाक फकत पासपोर्टाची गरज आसता.
तुमी फकत पासपोर्टाचे मजतीन ह्या देशांत पावपाक शकतात. व्हिसा ऑन अरायव्हलची सेवा घेवपाक शकता. अशे खुबशे देश आसात. जाणून घेयात त्या देशांचीं नांवां आनी कितले दीस आमकां व्हिसा नासतना त्या देशांनी रावपाची परवानगी मेळटा.
तुमी ३० दिसां खातीर व्हिसा बगर सेशेल्साक वचपाक शकता. तेच प्रमाण नेपाळाक १८० दीस आनी भुतानाक ७ दीस व्हिसा बगर भेट दिवपाक शकता. तशेंच हॉंगकॉंग एसएआरांत ९० दीस, मॉन्टसेराटांत १८० दीस, बार्बाडोसांत १८० दीस, डॉमिनिकांत ९० दीस, ग्रेनाडांत ९० दीस, हैतींत ९० दीस, एल साल्वाडोरांत ९० दीस, कतारांत १८० दीस, मॉरिशसांत ९० दीस, ९० दीस मालदीवस, स्वालबार्डांत ३० दीस, श्रीलंकेंत ३० दीस, इंडोनेशियांत ३० दीस, थायलंडांत ३० दीस, सेंट लुसियांत ९० दीस, नियू बेटांत ३० दीस, सर्बियांत ३० दीस.
ह्या देशांनी भोंवतना खूब जतनाय घेवची पडटा. पयलीं व्हिसा घेवपाची गरज नासली तरी विमानतळार पावतकच व्हिसा घेवचो पडटा. हाचे वांगडाच व्हिसा ऑन अरायव्हल मेळोवपा खातीर तुमकां व्हिसा ऑन अरायव्हल फीय भरची पडटा. तुमकां व्हिसा मेळिल्ल्या दिसां प्रमाण तितले दीस तुमकां रावपाक मेळटा. व्हिसा म्हळ्यार एका देशांतल्या खंयच्याय प्रवाशाक विशिश्ट काळा खातीर दिल्लो दस्तावेज. हाका लागून तुमकां दुसर्या देशांत रावपाची आनी भोंवपाची परवानगी मेळटा. व्हिसा हो वेगळो दस्तावेज आशिल्ल्यान ताचेर चड करून पासपोर्टाचेर मुद्रांक आसता. पासपोर्ट धारकाक परदेशांत भोंवतना वेगळ्या व्हिसा खातीर अर्ज करचो पडटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
