भांगरभूंय | प्रतिनिधी
व्हिएतनाम, खबरां संस्था: व्हिएतनामांत एक अब्जाधीश रिअल इस्टेट उद्देगपती बायल ट्रूओंग माई लॅन हिका गोळाक लावपाची ख्यास्त दिल्या. ती १२ अब्ज डॉलरच्या (सुमारे १ लाख कोटी) बँक फटवणूक प्रकरणांत दिल्या. हो व्हिएतनामांतलो आतां मेरेनचो सगळ्यांत व्हडलो भ्रश्टाचार मानतात. ही रक्कम व्हिएतनामाच्या २०२२ च्या वट्ट जीडीपीच्या सुमार ३% आसा. ६७ वर्सां पिरायेची लॅन रिअल इस्टेट कंपनी थिन्ह फटची चेअरमन आशिल्ली.
लॅन हिचे वयले आरोप
लॅन हिचेर तिणें २०१२ सावन २०२२ मेरेन सायगॉन जॉयंट स्टॉक कमर्शियल बँकेचेर बेकायदेशीर पद्धतीन नियंत्रण मेळयलें आनी सरकारी अधिकार्यांक लांच दिवन बनावट कंपन्यां वरवीं व्हडली रक्कम काडली. हाका लागून बँकेक २७ अब्ज डॉलरांचें (२.२ लाख कोटी रु.) लुकसाण जावपाचो अदमास आसा. हो आंकडो देशाच्या २०२३च्या सकयल राष्ट्रीय उत्पादनाच्या ६ % इतलो आसा. बिझनेस हबचे मिनी सिटींत ५ सप्तकांचे सुनावणे उपरांत बायल आनी हेर ८४ दोशींक ख्यास्त आयकयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
