भांगरभूंय | प्रतिनिधी
दिवचले : व्हाळशी- दिवचले बायपास रस्त्यावेल्या सर्कला लागसार म्हापशेंचे दिकेन वचपी कर्नाटकांतले एके जिपीन रस्तो लक्षांत येवंक नाशिल्ल्यान सरळ वचून झाडाक धपको दिलो. हातूंत तीग जाण जखमी जाले.
हे सुवातेर बायपासावेल्या जंक्शना कडेन अपघात जायत आसतात. रस्त्यां विशीं योग्य म्हायती नाशिल्ल्यान चालकाचें गाडयेवेलें नियंत्रण सुटून ती रस्त्या भायर गेल्ल्यान चालकान झाडाक धपको दिलो. हातूंत गाडयेंतल्या तिगांक बरोच मार बसलो.
थंय आशिल्ल्या लोकांनी हे गाडयेंत सुमार णव लोक आशिल्ल्याची म्हायती दिली. जखमींक रोखडेच दिवचल भलायकी केंद्रांत दाखल केले.
मजगतीं, हे सुवातेर दर सप्तकाक एक तरी अपघात जाताच. भौशीक बांदकाम खात्यान कांय सुवातांचेर स्पीड ब्रेकर घालपाची मागणी थळावे रोहिदास गाड हांणी केली.
हे सुवातेर फाटलें वर्सभर जायते अपघात जाल्यात. ह्या अपघाता पयलीं व्हड ट्रक उमथल्लो. हांगचे कांय रेम्ब्लर्स थळाव्यांचे मागणेक लागून काडल्यात. तरी वेगान येवपी वाहनांक योग्य रस्तो कळनाशिल्ल्यान हांगा अपघात जायत आसतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
