भांगरभूंय | प्रतिनिधी
पणजी : नुस्तें संचालनालयाच्या फुडाकारान धावजी- पोरणें गोंय ईस्टूरायन फिश फार्मांतल्या नुस्तें पोसपाच्या प्रकल्पा खाला व्हायट लेग्ड श्रिम्प (White Legged Shrimp – Litopenaeus vannamei) ह्या जातीच्या सुंगटांच्या उत्पादनाच्या पायलट प्रकल्पाची सुरुवात केल्या. ह्य प्रकल्पा खाला मेळिल्लीं सुंगटां आयज ११ जुलय २०२५ दिसा दनपार २.३० वरां सावन विक्री खातीर पणजेच्या नुस्तेंमारी संचालनालय कार्यालयांत हाडल्यांत.
ह्या सुंगटांचीं विक्री ‘पयलीं येवप्याक पयलीं प्राधान्य’ ह्या तत्वाचेर जाता. दिसभराचो सांठो सोंपसर ही विक्री चलतली. हीं सुंगटां ३५० किल मोलान विकतात. दरेकल्याक चडांत चड दोन कील दितात. २०० किल सुंगटांची विक्री जातली. तीं घेवपाक लोकांनी सकाळीं ११ वरां सावनूच गर्दी केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
