भांगरभूंय | प्रतिनिधी
नवी दिल्ली, खबरां संस्था ः सगळ्यांक अंतराळा विशीं आकर्षण आसता. थंय कितें आसतलें? कशें आसता? धर्तरेचेर घडपी घडणुकां कडेन तांचो कितें संबंद? अशे जायते प्रस्न आसात. पूण अंतराळातलो संवसार जितलो आकर्शक तितलोच अद्भुत. अमेरिकन अंतराळ एजन्सी नासान अंतराळातील घडणुकां विशीं शिटकावणी दिल्या.
स्टेडियम इतलो व्हड आकार
फुडल्या दिसांनी 4 व्हड लघुग्रह म्हळ्यार अंतराळ खडप धर्तरे लागच्यान वतले. पूण हाचे पसून कसलोच धोको ना अशें नासान स्पश्ट केलां. नासाच्या अहवाला प्रमाण हे लघुग्रह 23 ते 25 मे 2025 ह्या काळांत धर्तरेक सामके लागीं येतले. हातूंतलो सगळ्यांत व्हडलो लघुग्रह 387746 (2003 MH4) आसा. जो सुमार 1100 फूट लांब आसा. म्हणल्यार हो आकार स्टेडियम इतलो व्हड आसा.
घराच्या आकारा इतलो
नासाच्या अहवाला प्रमाण 23 मे दिसा पयलीं 2025 केसी नांवाचो एक लघुग्रह सुमार 6.36 लाख किलोमीटर अंतराचेर धर्तरे कडल्यान वतलो. तो घराच्या आकाराचो आसा. हाचे उपरांत 24 मे 2025 केएल आनी 2003 एमएच4 हे दोन लघुग्रह धर्तरे लागीं येतले. केएल सुमार 19.10 लाख किलोमीटर आनी एमएच4 सुमार 41.5 लाख किलोमीटर अंतर व्यापतले. निमाणें 25 मे दिसा 2025 केसी नांवाचो एक लघुग्रह 9.6 लाख किलोमीटर अंतराचेर धर्तरे कडल्यान वतलो.
चड करून धर्तरे कडल्यान वता
लघुग्रह म्हळ्यार सुर्याचे भोंवतणीं भोंवपी फातरांचीं पिंड. चडशे लघुग्रह मंगळ आनी गुरू हांचे मदीं आशिल्ल्या ‘लघुग्रह पट्ट्यांत’ मेळटात. ते चड करून धर्तरे लागच्यान वतात पूण चडशे लुकसाण करिनात. नासा आनी हेर अंतराळ संस्था अशा लघुग्रहांचेर सतत नदर दवरतात, जाका लागून खंयचोय धोको वेळार वळखुपाक मेळटा.
सुमार दर 2,000 वर्सांनी लघुग्रह धर्तरे लागीं वतात
धर्तरेचेर मेळपी लघुग्रह खूब दुर्मिळ आसात. नासाच्या मतान वर्साक सुमार एक फावट गाडयेच्या आकाराचो उल्कापिंड धर्तरेचेर पडटा. फुटबॉल मैदान इतले व्हडले लघुग्रह सुमार दर 2,000 वर्सांनी धर्तरे लागीं वतात. चडशे लघुग्रह दर्यांत वा रिकाम्या जाग्यार पडटात. हे घडणुकेंतय अशें कितें तरी घडपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
