व्हडली दिवाळी
गोंयकारांची दिवाळी व्हडले दिवाळी उपरांत म्हणल्यार तुळशीच्या लग्ना उपरांत सोंपता. तुळशीचें लग्न म्हणल्यार गोंयकारां खातीर एक व्हड सुवाळोच आसता. दैत्यराज जालंधराक हारोवपा खातीर विष्णू वृंदाचें सतित्व भंग करता. वृंदाक हें कळटा तेन्ना ती विष्णूक फातर जावपाचो शाप दिता आनी स्वताक लासून घेता. जंय वृंदाचो गोबर जाता थंय एक तुळशीचो रोपो किल्लता. सगळे देव जेन्ना वृंदा कडेन विष्णूक शापमुक्त करपाची विनवणी करता आनी वृंदा ती मानून घेता तेन्ना विष्णू वृंदाक सांगता, हे वृंदा, तूं तुज्या सतित्वाक लागून तूं म्हाका लक्ष्मी परस अदीक प्रीय जाल्या. आतां तूं तुळशीच्या रुपांत सदांच म्हज्या वांगडा रावतली. जो मनीस म्हज्या शालिग्राम रुपांत तुळशी वांगडा लग्न करतलो ताका लोक आनी परलोकांक खूब येस फावो जातलें. तेन्नाच्यान तुळशीच्या लग्नाची परंपरा सुरू जाली, अशें पुराणांत सांगलां. फाल्यां तुळशीचें लग्न. ते खातीर पणजी वाठारांत तुळस रंगयतना बापूय आनी पूत. (नारायण पिसुर्लेंकार)
भांगरभूंय | प्रतिनिधी
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
