भांगरभूंय | प्रतिनिधी
खबरां संस्था
हैदराबादः इंडियन प्रीमियर लीगच्या 16व्या सिझनांत सनरायझर्स हैदराबाद पंगडाक व्हडलो धपको बसला. तांचो स्टार अश्टाताशी खेळगडो वॉशिंग्टन सुंदर दुखापतीक लागून आयपीएलांतल्या बाकीच्या मॅचींत खेळपाक शकचो ना. सनरायझर्स हैदराबादान ट्विट करून ही म्हायती दिल्या. हॅमस्ट्रिंगचे दुखापतीक लागून वॉशिंग्टन सुदर बाकीच्यो मॅची खेळपाक शकचो ना अशे तांणी सांगलें तरी ताचे बदलीं कोण खेळटलों हें जाहीर केलें ना.
वॉशिंग्टन सुदर आयपीएलाच्या ह्या हंगामांत बॅट आनी बॉलान अजून प्रभावी थारलो ना. तो खेळल्ल्या 7 मॅचींत ताणे 15चे सरासरीन आनी 100च्या स्ट्रायक रेटान फकत 60 धांवड्यो केल्यात. तातूंत नाबाद 24 ह्यो ताचो सगल्यांत चड धांवड्यो आसात. बॉलिंगेंत लेगीत ताणे निर्शेणी केल्या. 7 मॅचींत 17.4 ओव्हरी घालून ताणे फकत तीन विकेटी घेतल्यात. सुंदरान एकाच मॅचींत ह्यो विकेटी घेतल्यात. हेर 6 मॅचींत ताका एकूय विकेट घेवपाक जमलें ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
