भांगरभूंय | प्रतिनिधी
भांगरभूंय । प्रतिनिधी
सावयवेरेंः कुर्टीःफोंडेच्या अमेय उच्च माध्यमीक आनी दादा वैद हायस्कुलांतल्या 10वी आनी 12वेचे परिक्षेंत बरे गुण घेवन पास जाल्ल्या विद्यार्थ्यांचो पत्रकार दिसा अमेय विद्या प्रसारक मंडळा वतीन भोवमान केलो. थळावो पत्रकार गीतेश वेरेकाराचोय भोवमान केलो.
अमेय उच्च माध्यमीक विद्यालयाच्या सभाघरांत जाल्ले हे कार्यावळीक मुखेल सोयरो म्हणून पत्रकार अवित बगळे हाजीर आशिल्लो. मंडळाचो अध्यक्ष संदीप खांडेपारकार, संतोष केरकार, किरण लिमये, संदीप शिलकार, स्नेहा पंडित, भालचंद्र अभिषेकी ह्या वेळार हाजीर आशिल्ले.
आपल्याक मेळिल्ल्या गिन्यानाचो उपेग एकाद्र्या वेवसाया खातीर करून मनीस फुडें वचपाक शकता. ते खातीर सरकारी नोकऱ्यांचेर निंबून रावपाची गरज ना. लोकमान्य टिळकांनी जशें आपल्या देशाचेर मोग केलो तसो मोग दरेकल्यान बाळगुवपाक जाय अशें बगळी हांणी ह्या वेळार सांगलें. सुरवेक विद्यार्थ्यांनी येवकार गीत सादर केलें. संदीप खांडेपारकरान येवकाराचें उलोवप केलें.
पत्रकारांनी वास्तविकतेक धरून पत्रकारिता करपाची गरज आसा. विद्यार्थ्यांनी फळाची अपेक्षा करनास्तना कर्म करून सुशिक्षीत आनी सुसंस्कारीत जावपाक जाय अशें गीतेश वेरेकारान सांगलें. विद्यार्थ्यांक मानेस्ताचे हस्तुकीं प्रमाणपत्रां आनी यादस्तिकां भेटयली. मुख्याध्यापिका स्नेहा पंडित आनी संदीप शिलकार हांणी अहवाल सादर केलो. सूत्रसंचालन सकिना केरकारान केलें जाल्यार संतोष केरकरान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
