वैजकी आनी समाजीक सेवे खातीर गोमॅकॉक आयएमएचे 3 पुरस्कार
भांगरभूंय | प्रतिनिधी
पणजी : समाजीक सेवा तशेंच वैजकी शिक्षणांतल्या योगदाना खातीर भारतीय वैजकक संघटणे (आयएमए) वतीन गोंय वैजकी म्हाविद्यालयांतल्या विद्यार्थ्यांक प्रतिश्ठेचे तीन पुरस्कार फावो जाले. हैद्राबादाक जावपी उत्सव 2024 त हे पुरस्कार भेटयतले. वैजकी विद्यार्थी संघटणेचे (एमएसएन) सल्लागार डॉ. जगदीश काकोडकार हांणी ही म्हायती दिली.
विद्यार्थ्यांच्या मेडिकल स्टुडंट नॅटवर्काक (एमएसएन) समाजीक सेवा पुरस्कार मेळ्ळा. तशेंच आयएमए एमएसएन राष्ट्रीय अध्यक्ष प्रशंसनीय पुरस्कार सुर्यम सिंग आनी अरिजीत काकोडकार हांकां फावो जाला. गोंय वैजकी महाविद्यालयाच्या विद्यार्थ्यांक एकाच वेळार तीन राष्ट्रीय पांवड्या वेले पुरस्कार मेळिल्ल्याची ही पयलीच घडणूक. पुरस्कार फावो जाल्ल्या विद्यार्थ्यांनी समाजीक सेवा कार्यावळींनी व्हड प्रमाणांत वांटो घेतला. गोंय वैजकी महाविद्यालयांत हालींच जाल्ली मेडवेव्ह परिशद तशेंच कॅन्सर तपासणी अभियानांतूय तांणी वांटो घेतला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
