भांगरभूंय | प्रतिनिधी
बदली खेळगडो (सुपर सब) वाउट वेहॉर्स्टान मॅच सोंपपाक सात मिनटां बाकी आसतना केल्ल्या उत्कृश्ट गोलाच्या नेटार आदलो वस्ताद नॅदरलॅण्डान युरो करंड फुटबॉल सर्तींत पुर्ण तीन गूण मेळयले. डी गटांतले मॅचींत एका गोलान फाटीं आसून लेगीत नॅदरलॅण्डान अखेरेक पोलंडा आड 2-1 अशें जैत जोडलें.
प्रशिक्षक रोनाल्ड कोएमनान मॅचीच्या 81व्या मिनटाक वेहॉर्स्टाक मैदानांत देंवयलो आनी 31 वर्सां पिरायेच्या ह्या खेळगड्यान आपल्या प्रशिक्षकाचो विस्वास योग्य थारायलो. मॅचीच्या 83व्या मिनटाक ‘फर्स्ट टचा’चेर 2-1 अशी म्हत्वाची आघाडी मेळोवन दिली. ते पयलीं अॅडम बुक्सान जबरदस्त हॅडरा वरवीं पोलंडाक 16व्या मिनटाक आघाडी मेळोवन दिल्ली. नॅदरलॅण्डान 29व्या मिनटाक बरोबरी सादली. कोडी हकबोन पोलंडाच्या डिफॅण्डरांक चकयत आपल्या पंगडाक बरोबरी सादून दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
