भांगरभूंय | प्रतिनिधी
खबरां संस्था
बार्बाडोसः वेस्ट इंडिज भोंवडेर येवपी भारतीय क्रिकेट पंगड डॉमिनिका टॅस्ट मॅची पयलीं बार्बाडोस च्या केसिंग्टन ओव्हल मैदानार एक सप्तकाचो सराव करतलो. भारत वेस्ट इंडिजात टॅस्ट, वन-डे आनी टी-20 माळ खेळटलो. ताची सुरवात टॅस्ट माळेन जातली. भारत- वेस्ट इंडिजा मदीं पयली टॅस्ट मॅच 12 जुलयाक डॉमनिकातं दुसरी 20 जुलयाक त्रिनिदान जातली. तीन वन-डे आनी ट
मेळिल्ले खबरे प्रमाण क्रिकेट वेस्ट इंडिजान भारतीय पंगडाचे भोंवडेची कार्यावळ तयार केल्या. भारतीय पंगड 1 वा 2 जुलयाक बार्बाडोसाक पावतलो आनी 9 जुलय मेरेन थंय रावून सराव करतलो. ह्या वेळार कांय सराव मॅची जावपाक शकतात. बीसीसीआय ते संबंदी वेस्ट इंडिज क्रिकेट मंडळा कडेन उलोवणी करता.
डॉमनिका हांगा भारतीय पंगड 12 वर्सां उपरांत खेळटलो. दोनूय देशां मदीं 2011 वर्सा जुलय म्हयन्यांत निमाणी टॅस्ट मॅच जाल्ली. ही टॅस्ट मॅच ड्रा जाल्ली. वेस्ट इंडिजाचो पंगडा एन्टिगुआंत सराव करतली. वेस्ट इंडिजाचे खेळगडे डॉमनिका वच्चे पयलीं कुलीज क्रिकेट मैदानार सराव करतले.
भारतीय पंगड- रोहित शर्मा (कॅप्टन), शुभमन गील, विराट कोहली, अजिंक्य रहाणे (व्हायस कॅप्टन), ऋतुराज गायकवाड, यशस्वी जायसवाल, केएस भरत (विकेटकीपर), रविचंद्रन अश्विन, रवींद्र जडेजा, अक्षर पटेल, शार्दूल ठाकुर, मोहम्मद सिराज, मुकेश कुमार, जयदेव उनादकट, ईशान किशन (विकेटकीपर), नवदीप सैनी
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
