भांगरभूंय | प्रतिनिधी
विमान प्रवास म्हारग जावपाची शक्यताय
नवी दिल्ली, खबरां संस्था: पुराय देशांत दिवाळी व्हडा उमेदीन मनयतात. मात हे दिवाळेक लोकांच्या बोल्साक फटको बसपाचो आसा. कारण आयच्यान म्हळ्यार १ नोव्हेंबर सावन तेल कंपन्यांनी वेवसायीक गॅस सिलिंडराच्या (एलपीजी गॅस सिलिंडर) दरांत वाड केल्या. १९ किलो वेवसायीक गॅस सिलिंडराचें दर आतां वाडलां. सणा परबांच्या दिसांनी सिलिंडर म्हारग जाल्ल्यान हो फटको सामान्य लोकांक बसतलो अशें दिसून येता.
तेल कंपन्यांनी लागू केल्ल्या दरां प्रमाण, गॅस सिलिंडराच्या मोलांत ६२ रुपयांची वाड जाल्या. वेवसायीक गॅस सिलिंडराच्या दरांत जरी वाड जाल्या तरी तेल कंपन्यांनी १४ किलोंच्या घरगुती गॅस सिलिंडराच्या दरांत कसलीच वाड करूंक ना. तेल कंपन्यांनी आनीक एक निर्णय घेतला. ह्या निर्णया प्रमाण फुडाराक विमान प्रवास म्हारग जावपाची शक्यताय आसा. कारण तेल कंपन्यांनी वेवसायीक गॅस सिलिंडराच्या दरा वांगडाच विमान प्रवासांत वापरपी किंमतींतूय वाड करपाचो निर्णय घेतला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
