भांगरभूंय | प्रतिनिधी
मुंबय, खबरां संस्था: वेवसायीक एलपीजी सिलेंडराच्या (१९ किलांच्या) दरांत आयज बदल जाले. तो सवाय जालो. दर १ जुलय सावन लागू करतले. घरगुती सिलेंडराच्या मोलांत मात, कसलेच बदल करूंक ना. ताका लागून एलपीजी सिलेंडराच्या देंविल्ल्या दरांचो फायदो हॉटेल वेवसायिकांक जातलो.
मुंबय वेवसायीक सिलिंडर ३१ रुपयांनी देंवलो. तो आतां १५९८ रुपया जाला. जुनांत ताची किंमत प्रती सिलेंडर १६२९ रुपया आशिल्ली. राजधानी दिल्लींत वेवसायीक सिलिंडर ३० रुपयांनी सवाय जाला. तो आतां १६४६ रुपया जाला. कोलकातांत ३१ रुपयांनी सवाय जाला. तो आतां १७५६ रुपयांनी मेळटलो. चेन्नयंत ३० रुपयांनी सवाय जाला. तो १८०९.५० रुपयांनी मेळटलो.
घरगुती सिलेंडर आसा तसोच
घरगुती १४.२ किल एलपीजी सिलेंडराच्या दरांत कसलोच बदल जावंक ना. एलपीजी सिलेंडराचें आदलें दर तशेंच थीर आसा.
घरगुती सिलेंडराचो महानगरांतलो दर?
शार – किंमत
मुंबय – ८०२.५० रुपया
दिल्ली – ८०३ रुपया
कोलकाता – ८०३ रुपया
चेन्नय – ८१८.५० रुपया
दर म्हयन्याच्या पयल्या दिसा थारता किंमत
देशांतल्यो गॅस कंपन्यो दरेकी म्हयन्याच्या पयल्या दिसा १४ किल घरगुती आनी १९ किल वेवसायीक गॅस सिलेंडराची किंमत निश्चीत करतात. आदीं १ ऑक्टोबराक वेवसायीक गॅस सिलेंडराच्या दरांत २५.५ रुपयांची कपात केल्ली. जाल्यार घरगुती गॅस सिलेंडराच्या दरांत कसलोच बदल करूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
