भांगरभूंय | प्रतिनिधी
पणजी : वेळसांवच्या तळ्या लागसार आयज, बिरेस्तारा सकाळीं ६ वरांचेर रस्त्या कुशीक आशिल्ल्या क्रॉसाक धपको दिले उपरांत रेंट-ए-कार सरळ पुला सकयल्या व्हाळांत वचून पडली. ह्या अपघातांत गाडयेंतले पर्यटक जखमी जाले. थळाव्यांनी घडणुके सुवातेर धांव घेतली आनी पुलीस आनी क्रेनीक संपर्क केलो. ह्या अपघातांत क्रॉसाचें लुकसाण जालें. थळाव्यांनी हे विशीं खर तिडक उक्तायल्या.
पुलिसांनी गाडयेच्या भितरल्या तपासणे मजगतीं तांकां बिअरची बाटली मेळ्ळी, पर्यटकान सोरो पिवन गाडी चलयिल्ल्याचो दुबाव आसा. विशेश म्हणल्यार, व्हाळांत पडिल्ली गाडी काडपाक आपयिल्ल्या क्रेनीच्या ऑपरेटरान ही बाटली भायर शेवटून मारपाचो यत्न केल्ल्याचो आरोपूय प्रत्यक्षदर्शींनी केला. थळाव्या नागरिकांनी अशा घडणुकां मदीं सेगीत वाड जाल्ल्याचें सांगीत पर्यटकाच्या असल्या वृत्तीक लागून तिडक उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
