भांगरभूंय | प्रतिनिधी
वाळपय: वेळगें- सत्तरे गांवकारवाड्यार सूर्यकांत गांवकार हांच्या घरा कुशीक आशिल्ल्या लायटीच्या खांब्याक अचकीत शॉक येवन बैलाक मरण आयलें. ही घडणूक काल (बिरेस्तारा) सकाळीं घडली. हाका लागून नागरिकांनी तिडक उक्तायल्या.
वेळगें गांवकारवाड्यार सूर्यकांत गांवकार हांच्या घरा शेजरा लायटीचो खांबो आसा. खांब्यां वयल्यो विद्युत भारीत सरयो हुमकळटाल्यो. बैल थंयच्यान वता आसतना त्या सरयांचो ताका स्पश्ट जाल्ल्यान ताका जाग्यारच मरण आयलें.
हे विशींची म्हायती वीज खात्याच्या थळाव्या कर्मचाऱ्यांक दिले उपरांत तांणी रोखडीच घडणूक थळार धांव घेवन विजेची पुरवण बंद केली.
मजगतीं, वीज वाहिन्यांच्यो सरयो अशे तरेन हुमकळत आशिल्ल्यान लोकांच्या जिवाक घात निर्माण जायत आसता. हे खातीर खात्यान हाचे कडेन विशेश लक्ष दिवपाची गरज आसा अशी मागणी लोकांनी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
