भांगरभूंय | प्रतिनिधी
भांगरभूंय । प्रतिनिधी
दिवचलः साखळी मतदारसंघांतल्या वेळगे पंचायतीचो उप सरपंच म्हणून लवू आमडकार हाची बिनविरोध निवड केली. सोमाराक पंचायत मंडळाचे खाशेले बसकेंत ही निवड जाली. ह्या वेळार सरपंच सामंता कामत, सर्वेश मुळगांवकार, सपना पार्सेकार, श्वेता गांवकार, योगीता हळदणकार हे पंच वांगडी हाजीर आशिल्ले. दिवचलच्या बीडीओ कार्यालयातल्या नवनाथ आम्ररे हांणी निर्वाचन अधिकारी म्हणून काम पळयलें.
साखळेचो आमदार आनी मुख्यमंत्री डॉ प्रमोद सावंत हांच्या मार्गदर्शना खाला काम करून पंचायत वाठाराची उदरगत करपा खातीर आपूण यत्न करतलों अशें उप सरपंच म्हणून निवड जातगीर लवू आमडकारान सांगलें. फाटल्या धा वर्सांत मुख्यमंत्र्यांनी साखळी मतदारसंघ तशेंच वेळगें पंचायत वाठारांत उदरगतीचीं बरींच कामां केल्यांत असो दावो तांणे केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
