भांगरभूंय | प्रतिनिधी
खबरां संस्था
वेलिंग्टन : इंग्लंड आनी न्यूझिलंड हाचे मदी वेलिंग्टनांत सुरू आशिल्ले टॅस्ट मॅचींत न्यूझिलंड पंगडान नेटान पुनरागमन केलें. पयल्यान डावांत 233 धांवड्यांनी फाटीं पडल्या उपरांत फॉलोऑन घेवंन खेळटना तिसऱ्या दिसाचो खेळ सोप मेरेन तांणी आपली बाजू कांय प्रमाणांत भक्कम केल्या. हे टॅस्ट मॅचीत इंग्लंडान आपलो पयलो डाव 8 बाद 435 धांवड्याचेर घोशीत केल्लो. उपरांत दुसऱ्या दिसाचो खेळ सोप मेरन न्यूझिलंडान 7 विकेटी वोगडावन 138 धावड्यो केल्यो 297 धांवड्यांनी फाटीं पडल्ल्यान तिसरो पुराय दीस तांच्या नांवार आशिल्लो. पयलीं तांणी आपलो डाव सुरु करतना पयल्या डावांत 209 धांवड्यो केल्यो आनी फॉलोऑन उपरांत खेळटना बरी सुरवात केली.
साउथीच्यो 49 बॉलांत 73 धांवड्यो
तिसऱ्या दिसाच्या पयल्या सत्रांत न्यूझिलंडान टीम सावदीची (73) फास्ट खेळी आनी टॉम ब्लंडेलच्या (38) खेळीच्या खुस्तार पयल्या डावांत 209 धांवड्यो केल्यो. हांगा इंग्लंडाक पयल्या डावांत 233 धांवड्यांची आघाडी मेळ्ळी. इंग्लंडाचो कॅप्टन बेन स्टोक्सान न्यूझिलंडाक फॉलोऑन दिवपाचो निर्णय घेतलो मात तो चुकीचो थारलो. न्यूझिलंडाच्या ओपनरांनी 149 धांवड्यो करून इंग्ंलडाचेर चेंपण हाडलें.
डेव्हन कॉनवेचो अर्द शेंकडो
न्यूझिलंडाच्या दुसऱ्या डावांत डेव्हॉन कॉनवे (61) पंगडाच्या 149 धांवड्यांचेर पॅव्हेलियनांत परतलो. ह्या उपरांत टॉम लॅथन (83) आनी विल यंग (8) हांणी आपल्यो विकेटी दिल्यो. उपरांत केन विलियम्सन (25) आनी हेन्री निकोल्स (18) हांचे नाबाद खेळीक लागून न्यूझिलंड 200 फुडें पावलो. दिसाचो खेळ सोपलो तेन्ना न्यूझिलंडान 3 विकेटी दिवंन 202 धांवड्यो केल्यो. ते आतां इंग्लंडाच्या पयल्या डावांतल्या स्कोरा पसून फकत 24 धांवड्यांनी फाटीं आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
