भांगरभूंय | प्रतिनिधी
फोंडें : वेलकास – सावयवेरेंच्या भिरांकूळ वोल्तार कदंब महामंडळाची बस आनी मारुती व्हॅन हांचे मदीं अपघात जाल्ल्यान व्हॅन चालक गुरूदास दत्ता नायक (५२, सावयवेरें) हो गंभीर जखमी जालो. अपघातांत बसीचे प्रवाशी वाटवले. जखमीक उपचारा खातीर गोमेकाँत व्हेला. म्हाड्डोळ पुलिसांनी अपघाताचो पंचनामो केलो.
मेळिल्ले म्हायती प्रमाण, जीए – ०३- एक्स- ०५१६ क्रमांकाची बस फोंड्यां वताली. तेन्ना विरुद्ध दिकेन येवपी जीए -०१- ई – ३३९९ क्रमांकाच्या मारुती व्हॅनीचो धपको बसीक बसलो. हातूंत व्हॅन चालक गंभीर जखमी जालो. जखमीक रोखडोच १०८ ऍम्बुलन्सींतल्यान बेतकी मुळाव्या भलायकी केंद्रांत व्हेलो. उपरांत गोमेकाँत धाडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
