भांगरभूंय | प्रतिनिधी
पणजी : वेर्णा पुलिसांनी पिरणी सर्कल बस स्टॅण्डा लागसार सोमारा सांजेवेळार सुमार २.२१३ लाख रुपयांचो २.२ किलो गांजो जप्त केलो. ह्या प्रकरणांत राहुल कुमार केरवट (२८, मूळ मध्यप्रदेश) हाका अटक केली. तो कुंभारदात वाठारांत रावतालो.
पुलिसांनी सोमारा सांजेच्या ६ ते ९.१९ वरां मजगतीं ही कारवाय केली. खबऱ्यांनी दिल्ले म्हायतीच्या आदारान ताका गांजा सयत धरलो. मुरगांवचे पुलीस उपअधीक्षक गुरुदास कामत हांच्या मार्गदर्शना खाला, निरीक्षक आनंद शिरोडकार हांच्या नेतृत्त्वा खाला उपनिरीक्षक कॅरी फर्नांडीस हांणी ही कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
