भांगरभूंय | प्रतिनिधी
पणजी ः वेर्णा मॉन्जिनीसा लागसार एसयूव्ही गाडयेचो धपको बसून अनिशा बोरकार (23, केपें) हिका मरण आयलें. जाल्यार अक्षता नायक (कारवार) जखमी जाली.
अपघात जालो तेन्ना ती गाडी पीसीसी कॉलेजींत परिक्षे खातीर वचपी विद्यार्थी चलयतालो. धपको दिलें उपरांत तो स्वता वेर्णा पुलीस स्टेशनांत गेलो. ह्या अपघाताची म्हायती मेळटकच वेर्णा पुलिसांनी घडणूक सुवातेर वचून पंचनामो केलो. ह्या अपघातांत अनिशा बोरकार हिका मरण आयलें. जखमी अक्षता नायक हिका उपचारा खातीर हॉस्पिटलांत व्हेलें.
ह्या अपघाताचो फुडलो तपास वेर्णा पुलीस करतात. विद्यार्थ्याचो जबाब नोंद केला. पुलिसांनी गाडी जप्त केल्या आनी अपघाताचें खरें कारण कितें हाचो तपास चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
