भांगरभूंय | प्रतिनिधी
पणजी: वेदांता सेसा गोवाच्या आयर्न ओर गोवा (आयओजी) दिवचल खणीन एक इतिहासीक दुसरी वळख मेळयल्या. जाका लागून शाश्वत आनी जबाबदार खणकाम पद्धतींत एक स्तर स्थापन केल्ल्यान ताचें स्थान आनीक वाडलां.
भारतीय खण ब्युरोच्या (आयबीएम) फुडारपणा खाला बेळगांवां आयोजीत प्रतिश्ठीत 13 व्या खण पर्यावरण आनी खनिज संवर्धन (एमईएमसी) सप्ताह 2024- 25 पुरस्कार समारंभांत दिवचलच्या खण, गट-अ श्रेणींत उत्कृश्ठ कामगिरी करपी म्हणून मुखार सरल्या. ‘पुरायेन यांत्रिकीकृत लोहखनीज खणींत उत्कृश्ट कामगिरी’ खातीर तिका दुसरें इनाम फावो जालां. दिवचल खणींतल्या नव्या तंत्रज्ञानाच्या आसपावाक लागून ही कामगिरी शक्य जाली. ईव्ही व्हील लोडर्स, नवीं वाहनां आनी स्लोप सेफ्टी रडार हांणी कंपनीच्या सुरक्षीत कामाच्या उद्दिष्टांत योगदान दिलां.
ही कामगिरी म्हत्वाची. कारण वेदांताच्या दिवचल खणीन गोंयची पयली पावणी आनी कार्यरत लोहखनीज खण म्हणून पुनरुज्जीवीत जाले उपरांत, वट्ट १४ म्हयन्यांतूच अपवादात्मक कामकाज आनी पर्यावरणीय कामगिरी करून दाखयली.
सेसा गोवाचे सीईओ नवीन जाजू हांणी, एमईएमसी पुरस्कारांत मेळिल्ली प्रतिश्ठीत मान्यताय ही वेदांता सेसा गोवाचें नवें- नवे तंत्रज्ञान आपणावन आनी अभेद्य सुरक्षा प्रोटोकॉलांत गुंतवणूक करून, शाश्वत खणकामार लक्ष केंद्रीत करता ती साक्ष दिता.
ह्या सुवाळ्यांत मेळिल्ल्या हेर पुरस्कारांत पर्यावरण देखरेख आनी शाश्वत विकासात पयलें इनाम, नामना, प्रचार आनी ‘स्वच्छ भारत’ अभियानांत पयलें इनाम आनी कोयर वेवस्थापन आनी विज्ञानीक उदरगतींत दुसरें इनाम हांचो आसपाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
