भांगरभूंय | प्रतिनिधी
म्हजें मत
रातच्या वेळार रस्त्याचो अदमास येवंक नाशिल्ल्यान हालींच पणजे एका तरणाट्याक आपलो जीव वगडावचो पडलो. न्यायालयान हाची दखल घेतल्या. पूण समजा ते सुवातीचेर योग्य फलक लायिल्लो, रेडियमची पट्टी लायिल्ली तर घडये तो वाटावतलो आसलो. पूण कितेंय आसूं, सुरक्षेचे नदरेन ह्यो गजाली आसप म्हत्वाच्यो. तुमी मांडवी पुला वयलान यो- वच करीत आसतले त्या पुलाच्या दोनूय वाटेन वाहनां विशीं सुचोवणी आशिल्ले फलक दिश्टीक पडटात, ही बरी गजाल. पूण 30 किलोमिटर आंकड्या कडेन तुमचे लक्ष जरूर वता आसतलें.
म्हाका अजुनूय कळना हो वेगाचो फलक थंय कित्याक आसा? हांवें मुद्दाम थंय रावन पळयलें. खंयचोच चालक वराक 30 वेगाची मर्यादा पाळीच नासलो. बरें कॅमेरा घेवन पूल सोंपता थंय तरी कोण आसा? तर तोय बी ना. मागीर हे फलक कित्याक? त्या परस ज्या जाग्यार तांची गरज आसा थंय ते लावचे, अशें नम्रपणान सांगचें दिसता. स्मार्ट सिटीक हें सोबता? हरशी कामाचे बाबतींत गोंयकारांक आळशी, सुस्त म्हूण नांवां दवरतात. मागीर स्मार्ट सिटीचे कामगार खंयचे? आनी ते इतले सुस्त कशे? मागीर एकजण म्हणटा की भाजपच्या एका फुडाऱ्याक पणजेकारांनी हारयलो, ताचो बदलो तर अशे सवकासायेन तशेंच कल्पनेचे बाबतींत जुनाट आसप हें जावंक ना मु? एखादे स्मार्ट सिटीचें काम पयशां खातीर उरता हें आमी आयकलां, मागीर पणजेंतलें काम कित्याक सवकासायेन चल्लां ?
– एक वाचक, म्हापशें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
