भांगरभूंय | प्रतिनिधी
नवी दिल्ली, खबरां संस्था ः वर्स 1952 त वेंचून आयिल्ल्या खासदारांची सरासरी पिराय 46.5 वर्सां आशिल्ली. हाचे उपरांत तांतूत किरकोळ वाड जायत रावली. ती आतां मेरेनची सगळ्यांत तरणाटी संसद आशिल्ली. तेन्ना सावन खासदारांची सरासरी पिराय वाडत आसा. 2014 वर्साचे संसदेंत खासदारांची पिराय सरासरी 57.9 वर्सां वाडली. असोसिएशन फॉर डेमोक्रेटिक रिफॉर्म्साच्या विश्लेशणा प्रमाण, लोकसभा खासदारांतल्या 44 टक्के खासदारां आड गुन्यांवकारी खटले आसात. तातूंतल्या 9 जाणांचेर खुना सारकिल्ले गंभीर गुन्यांवूय नोंद जाल्यात.
सगळ्यांत गिरेस्त खासदार डॉ. चंद्रशेखर पेमा सामी. तांणी 5705 कोटी रुपयांची मालमत्ता जाहीर केल्या. जाल्यार कोंडा विश्वेश्वर रेड्डी 4568 कोटीं सयत दुसरे सुवातेर आसा.
एडीआर अहवाला प्रमाण, आदल्या खासदारांचेर 225 गुन्यांव नोंद जाल्यात. तातूंतल्या 149 जाणांचेर गंभीर गुन्यांव नोंद जाल्यात.
हे खेपे आठ हजारां परस चड उमेदवारांनी वेंचणूक लढयली. तातूंतल्या 1600 परस चड जाणांचेर गुन्यांव दाखल आसात. 50% परस चड जैतिवंत जाल्याचेर गुन्यांव दाखल आसात. 15 वर्सांत पयलेच खेपे सगळ्यांत गिरेस्त उमेदवार जिखपाक येसस्वी जाले. कोट्यधीश आशिल्ले 90% परस चड उमेदवार जिखून खासदार जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
