वृत्ती आनी प्रवृत्ती

भांगरभूंय | प्रतिनिधी

दरेकल्याचो सभाव जायत्या खाशेलपणांनी तयार जाल्लो आसता. दरेक मन वेगळें आसूं येता. तें खाशेलेंपण आनी गुप्ततायेन सगळेच जियेतात. परिस्थिती प्रमाण दरेकल्याचो स्वभाव बदलता. आनी….

दर एका मनशाच्या मतान ताचे नैतीक विचार वेगवेगळे आसतात. आमकां केन्ना- केन्ना वेगवेगळ्या प्रकारच्या व्यक्तिमत्वाचे लोक मेळटात. दरेकल्याचीं खाशेलपणां वेगवेगळीं आसतात. वृत्ती आनी प्रवृत्ती सगळ्यां खातीर वेगळीं आसता. मनशाच्या रुपांत आनी ताच्या स्वभावांत खूब फरक आसूं येता.
मनशाच्या सभावाचे जायते नमुने चड करून दिसतात. मनशाच्या स्वभावाचें आंग उक्ते जावपाक लागलां. कांय जाण खंय आसात थंय सुगंधी गुलाबाचें उदक शिंपडत रावतात. कांय जाण खंय वतात थंय नाका तें करत रावतात. कांय जाण आपल्याच धुंदेंत पुराय संवसार विसरून रावतात, एक सुखी जिवीत जगपाचो यत्नकरतात. कांय जाण मोगान घुस्मटमार जावपा मेरेन वागतात. कांय जाण आमच्या लागीं बिल्कुल नासले तरी तांचो स्पर्श आमकां जाणवता आनी तांची संगत जाणवता.
कांय लोकां कडेन आशिल्ल्या संबंदा विशीं समाजाक बेसबरेंपणान सांगून आमी आशीर्वाद मेळोवपाक सोदतात. मनशाच्या जिवितांत आमकां जायत्या वेगवेगळ्या सभावांचे लोक मेळटात. मनशां मदलो संबंदूय वेगळो आसता. केन्ना- केन्ना आमी कितलेंय आनी कितलेंय बरे वागले तरी आमच्या मुखार आशिल्ल्या कांय जाणांची वागणूक उरफाटी आसता. आमी तांकां कितलेंय उक्तेपणान सांगपाचो यत्न केलो तरी तांकां आमची दया येना.
लोक चलपाचे पद्दतीन आनी तांचो हावभाव पळोवन कांय अनुमान काडूं येता. मनशाक मेळ्ळ्यार खंयचे भाव निर्माण जातात, तेंय म्हत्वाचें. मन उत्तेजीत आसा काय उदास काय कसली मानसिकताय निर्माण जाता, हाचेर आदारून त्या मनशाचो सभाव आमी समजूंक शकतात. कांय जाण फकत अधिकार मागनासतना कितें तरी वा हेर सल्लो दिवन भोंवतात, अशें दिसता. कांय जाणांक असो सल्लो दिले बगर पान हालोवपाक मेळना. कांय जाण निर्णय घेवंक शकतात. कांय जाणांक घेवंक मेळना. कांय जाणांक चड उशीर जाता. तातूंतले कांय जाण बॉल पडचे पयलीं लेगीत हवेंत झुलत आसात…
कांय जाणांक दुसऱ्यांची नक्कल करपाक खूब आवडटा. कांय जाणांक बनावट उलोवप योग्य दिसता. कांय जाण फाटल्या काळांतल्या बंद दारां फाटल्यान बंद आसतात. ते आमकां इतले लागीं आसात की तांची प्रतिमा भितर प्रतिबिंबीत जायना म्हणून तांकां पळोवंक मेळना.
दरेकल्याचो सभाव जायत्या खाशेलपणांनी तयार जाल्लो आसता. दरेक मन वेगळें आसूं येता. तें खाशेलेंपण आनी गुप्ततायेन सगळेच जियेतात. परिस्थिती प्रमाण दरेकल्याचो स्वभाव बदलता. आनी तशेंच वातावरणा प्रमाण कांय जाण शांत. कांय जाण लजतात. कांय धूर्त. म्हाका दिसता आमी आमचे नदरेन तांच्या सभावाची मोलावणी करतात. सगळ्यांक आमच्या मता प्रमाण. कोणूच केन्नाच परिपूर्ण नासता. आनी कोणूच केन्नाच पुरायपणान वायट नासता. आमी त्या मनशाक दोळ्यांनी पळोवन आमचें मत तयार करतात. पूण इश्ट, कशेय आसूं, तें आमचेच. आमचो मनीस स्वभाव म्हळ्यार आमी जियेवंक सोदतात. सदांच आमच्या जिवितांत सुखाची अपेक्षा दवरतात.

गौरी भालचंद्र
9422373926