भांगरभूंय | प्रतिनिधी
भांगरभूंय । प्रतिनिधी
मडगांवः वीज घोटाळो प्रकरणांत निवृत्त वीज कर्मचाऱ्यांच्या सध्याच्या राबिताचे पत्ते अकावंट खात्या कडल्यान घेवन तातूंतल्या सात साक्षिदारां न्यायालया वतीन समन्स जारी केलां अशें सरकारी वकिलान दक्षीण गोंय जिल्हो विशेश न्यायाधिशाक सांगलें.
कथीत वीज घोटाळो प्रकरणांत विशेश न्यायालयांत शुक्राराक सुनावणी जाली. सुनावणेक गैरहजर रावपाची मेकळीक ह्या प्रकरणातले दुबावीत मंत्री माविन गुदिन्हो हांका न्यायालयान दिल्या. शुक्रारा जाल्ले सुनावणे वेळार कांय दुबावीत गैरहाजीर आशिल्ले. हाचे पयलीं जाल्ले सुनावणे वेळार साक्षिदारांक हजर रावपाक सांगल्लें. मात निवृत्त कर्मचाऱ्यांचे पत्ते मेळूंक नाशिल्ल्यान सरकारी वकिलानी अकावंट खात्या कडल्यान पत्ते मेळचे हे खातीर सूचोवणी करपाक न्यायालयाक सांगिल्लें. ते प्रमाण न्यायालया कडल्यान परवानगी घेवंन हे पत्ते सध्या मेळयल्यात आनी तांका समन्स धाडलां अशें सरकारी वकिलान सांगतगीर न्यायालयान ह्या प्रकरणाची फुडली सुनावणी 18 ऑगस्टाक सकाळीं 10 वरांचेर दवोरल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
