भांगरभूंय | प्रतिनिधी
खांंब्या वेले केबल तोडपाची कारवाय स्थगीत दवरपाचे निर्देश
पणजी: वीज खांंबांंचेर दुरचित्रवाहिन्याचे तशेच इंंटरनॅट जोडणीचे केबल बांंदपा विशीं सुरक्षा नेमावळ तयार जातली. शुल्क लेगीत नव्यान निश्चीत जातलें. वीज खांंब्या वेले केबल तोडपाची कारवाय स्थगीत दवरपाचे निर्देश मुखेल सचिवांंनी दिल्या. हाका लागून खांंब्याक बांंदिल्ले केबल तोडपाची कारवाय सध्या स्थगीत उरतली. मुखेल वीज अभियंंते स्टिफन फर्नांडीस हांंणी ही म्हायती दिली.
केबल टीवी ऑपरेटर विजेच्या खांंबांंक केबल बांंदून केबल टीव्हीची कनेक्शनांं दितात. इंंटरनॅट जोडणीचे केबल लेगीत विजेच्या खांंब्यांक बांंदून व्हरतात. हाचे खातीर वीज खातें शुल्काची आकारणी करता. खूबशा जाणांंनी शुल्क फारीक करूंक ना. शुल्काची थकबाकी आनी सुरक्षे खातीर वीज खात्यान खांंब्यांंक बांंदिल्ले केबल तोडपाची कारवाय सुरू केल्या. पणजे, म्हापशें सयत हेर वाठारांंनी लेगीत ही कारवाय सुरू केल्या. हे कारवाये आड केबल नॅटवर्क ऑपरेटर उच्च न्यायालयांत गेले. उच्च न्यायालया कडल्यान लेगीत तांंकां थाकाय मेळूंक ना.
हे स्थितीचो नियाळ घेवपा खातीर मुखेल सचिवांनी बसका घेतली. हे बसकेंत खांंब्या वेले केबल तोडपाची कारवाय सध्या स्थगीत दवरची, असो निर्णय जालो.
विजेच्या खांंब्याचेर 20 ते 25 केबल बांंदिल्ले आसतात. हाका लागून लायनमनाक लायनीचेर काम करपाक आडखळ जाता. तशेंच कांय केबलांंक लागून जिविताक धोको निर्माण जावपाची भिरांंत आसता. हाका लागून खांंब्यांंचेर केबल बांंदपा विशीं सुरक्षा उपायांंची नेमावळ तयार जातली. ह्या नेमावळीक सगल्यांनी पालव दिवचो पडटलो. तशेंच शुल्क लेगीत निश्चीत जातलेंं. खांंब्यांंचेर कोणे कसले केबल बांंदल्यात, ते लेगीत कळपाक कठीण जाता. हाका लागून वीज खात्यान कारवाय सुरू केल्ली, अशी म्हायती मुखेल वीज अभियंंते स्टिफन फर्नांडीस हांंणी दिली.
पणजी, म्हापशें शारांंतले खांंब्या वेले केबल कापून उडयिल्ल्यान केबल टीव्ही ऑपरेटरां मुखार समस्या निर्माण जाल्या. तशेच इंंटरनॅट कनेक्टिव्हिटीची लेगीत समस्या निर्माण जाल्या.
केंद्र सरकारान 17 सप्टेंबर 2024 दिसा अधिसुचीत केल्ल्या The Telecommunications (Right of Way) Rules 2024 नेमा खाला वैयक्तीक परवानोधारक वायफाय वा केबल नॅटवर्क घालपा खातीर परवानगीची वीज खात्या कडेन अर्ज दाखल करतले अशी म्हायती अखील गोंय केबल सेवा पुरवण संघटणेन गोंय खंडपिठांत दाखल केल्ल्या येचिकेच्या सुनावणे वेळार दिली. हाची दखल घेवन न्यायालयान संघटणेक कसलीच थाकाय दिनासतना फुडली सुनावणी 18 फेब्रुवारीक दवरल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
