भांगरभूंय | प्रतिनिधी
भांगरभूंय । प्रतिनिधी
मुरगांवः विश्व हिंदू परिशदेन देशांत 1964 सावन सांस्कृतीक वावर सुरू करून राष्ट्रवाद आनी सांस्कृतीक राष्ट्रवाद तशेंच लोक जाग्रुती करपाक फुडाकार घेतलो. परिशदेच्या गोंय प्रखंडाचें काम बरे तरेन चल्लां अशें हिमाचल प्रदेशाचे राज्यपाल राजेंद्र आर्लेकार हांणी सांगलें. आर्लेकार आनी वास्कोचो आमदार कृष्णा साळकार हांचे हस्तुकीं विश्व हिंदू परिशदेच्या 2023 वर्साच्या कॅलेंडराचें अनावण जालें.
वर्णापुरी हांगच्या श्रीराम देवळांत जाल्ले हे कार्यावळीक विश्व हिंदू परिशदेचे मोहन आमशेकार, संतोष महानंदू नायक आनी परिशदेचे वांगडी व्हडा संख्येन हाजीर आशिल्ले. हिंदू धर्मांत पंचांग पळयले बगर कसलेंच कार्य जायना, तिथी प्रमाण आमच्या कामाक आमी सुरवात करतात. हिंदू धर्मांत तिथी, वेळ हाका सामकें म्हत्व आसा. विश्व हिंदू परिशदेत तांची सविस्तर म्हायती दिवपी कॅलेंडर तयार केलां. ताचो सगल्यांनी लाब घेवचो, अशें आवाहन कृष्णा साळकारान केलें.
विश्व हिंदू परिशद बजरंग दलाच्या माध्यमांतल्यान गोंयांतल्या तरणाट्यांक परिशदे कडेन जोडपाचो यत्न करता. गोंयांत जायत्या सुवातांनी सप्तकी आनी म्हयनाळ्यो सभा जातात. तरणाट्यां मदीं नैतीक विचार, शीस्त आनी राष्ट्रवाद शिकयतात अशी म्हायती मोहन आमशेकार हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
