भांगरभूंय | प्रतिनिधी
भांगरभूंय। प्रतिनिधी
काणकोणः मोखर्ड- काणकोण हांगच्या लोक विस्वास प्रतिश्ठानाच्या शाळेंतल्या विशेश विद्यार्थ्यांनी राखी पुनवे खातीर तयार केल्ल्या राखी आनी हेर वस्तूचें प्रदर्शन शुक्राराक कोणकोणच्या प्रशासकीय संकुलांत भरलां. ह्यो वस्तू थंच विकत्यो घेवपाक मेळटात.
कागदाचो गीफ्ट एनव्हलप, कपड्याच्यो पिशव्यो, तरेकवार फुलां. बुके अश्या वस्तूं वांगडा वेगवेगळे तरेच्यो राखी आनी गीफ्ट हेंपर विशेश भुरग्यांनी यार केल्यात. वेगवेगळ्या स्टॉलांनी वस्तू विकपाक दवोरल्यात. तातूंतल्यान फायदो मेळोवपा परस विशेश भुरग्यांची कला आनी तांक लोकां मेरेन पावोवपाच्या हेतात हो उपक्रम चालीक लायतात.
काणकोणचो आमदार आनी सभापती रमेश तवडकार हांणे प्रदर्शनाक भेट दिवंन विशेश भुरग्यांची तोखणाय केली. ह्या वेळार तांच्या वांगडा काणकोणचो मामलेदार मनोज कोरगांवकार, शिरीष पै, आनंदू देसाय, विशाल देसाय, आदिती फळदेसाय, सुनील पैंगीणकार, संजू तिळवे, चंद्रकांत सुदीर, दिवाकर पागी, राजेंद्र बोरकार, गणेश गांवकार, विनय तुबकी, सतीश पैंगीणकार, सरपंच प्रीटल फर्नांडीस आनी फातिमा रॉड्रिग्ज आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
