भांगरभूंय | प्रतिनिधी
भांगरभूंय । प्रतिनिधी
दिवचलः दिवचल रोटरी आनी इनर व्हील क्लब हांच्या जोड पालवान शुक्रराक केशव सेवा समिती संचलीत नारायण झांट्ये विशेश शाळेंतल्या शंबर भुरग्यांक खेळा बूटाचें वांटप केलें. रोटरी क्लबाच्या रोटरी इंडिया साक्षरता मिशन खाला भुरग्यांक ही भेट दिली. मानेस्ताचें हस्तुकीं बुटाचे वितरण केलेंय
ह्या वेळार रोटरी क्लबाचो अध्यक्ष सरगम फळारी, इनर व्हीलची अध्यक्ष डॉ सरोज देसाय, आंतरराष्ट्रीय बीच व्हॉलिबॉल खेळगडो रामा धावस्कार, मकरंद कामत, आनंद जोशी, विद्यालयाची मुख्याध्यापिका संजना प्रभुदेसाय माचयेर आशिल्ली. फाटल्या आठ म्हयन्यांत दिवचलच्या रोटरी क्लबान चालीक लायिल्ल्य उपक्रमाची सरगम फळारी हाणे म्हायती दिली. फुडल्या कांय म्हयन्यां भितर शाळे खातर एक प्रकल्प पुराय करून दिवपाचें उतर ताणे दिलें. डॉ सरोज देसाय हिणे शाळे खातीर मजत करपाची इत्सा उक्तायली.
मकरंद कामत हाणे सुरवेक येवकार दिलो. शिक्षक ओंकार केळकारानन सूत्रसंचालन केलें. संजना प्रभुदेसायान उपकार मानले. कार्यावळीक आनंद देसाय, डॉ कौस्तुभ पाटणेकार, मंगेश साळकार, डॉ ज्योती सावंत, अँड स्मिता म्हार्दोळकार, इनर व्हील क्लबची वांगडी स्नेहा फळारी, मिलिंदा कामत, लिंडा तेली तसेच शाळेचे शिक्षक, कर्मचारी आनी पालक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
