भांगरभूंय | प्रतिनिधी
खेळां आनी युवा वेव्हार संचालनालयान आयोजीत केल्ले 19 वर्सां पिराये सकयले राज्य पांवड्या वयले कबड्डी सर्तींत नावेली सांखळीच्या विविधा उच्च माध्यमीक विद्यालयाच्या विद्यार्थ्यांनी उप वस्तादपण जोडलें. पंगडांत सितम स्वेन (मुखेली), गौरव मळीक, साईश मळीक, सोहम गांवस, आकाश गांवस, यश गांवस, शिवदीप मोरजकार, बन्सीलाल कुमावत, आकाश पाळेकार, साकीप मुल्ला, दिव्यम नायक आनी मरतुकेश गाड ह्या विद्यार्थ्यांचो आस्पाव आशिल्लो.
विविधा उच्च माध्यमिकाचे वेवस्थापक प्रताप गांवस, प्राचार्य रमेश सिनारी, विद्यालयाचे शिक्षक आनी शिक्षकतेतर कर्मचारी आनी पालक वर्गान विद्यार्थ्यांक परबीं भेटयल्या. विद्यार्थ्यांक खेळां शिक्षक दयानंद भगत आनी प्रसाद गांवस हांचें मार्गदर्शन लाबिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
