भांगरभूंय | प्रतिनिधी
पेडणें: विर्नोडा, पेडण्यां काजी बागायतीक उजो लागून बरेंच व्हड लुकसाण जालें. हाका लागून झाडांचेर आशिल्ले सवण्यांचे घोंटेर लासले. घोंटेर लाशिल्ल्यान सवणीं वयले वयर उडटना दिसलीं.
हे विशं चड म्हायती प्रमाण, विर्नोडच्या श्री रवळनाथ देवळाच्या फाटल्यान आशिल्ल्या दोंगरावेले काजू बागायतीक उजो लागलो. थंय वाडिल्ल्या तणाक लागून हो उजो नेटान पातळत गेलो. हाका लागून धुंवरानहांगचो सगलो वाठार भरलो. हाका लागून काजवाचीं झाडांय हुलपलीं.
पेडणें उजो पालोवपी दळाच्या जवानांक हे विशीं म्हायती मेळटांच, तांणी घडणुके सुवातेर वचून हो उजो पालोवपाचो यत्न केलो. तशेंच थळाव्यांनीय उजो पालोवपाचो यत्न केलो. हो उजो नेमको कसो लागलो? हाचो सोद घेवन चालू आसा.
काजू हंगामांत काजू बागायतीचें व्हड लुकसाण जालें. तशेंच व्हडा प्रमाणांत लुकसाणाक तोंड दिवचें पडिल्ल्याचें काजू बागायतदारांनी सांगलें. नेमकें लुकसाण कितलें जालें हाची म्हायती बागायतदारांनी आजूनय कागाळ दिवंक़ नाशिल्ल्यान मेळूंक ना.
उजो पालोवपा खातीर उजो पालोवपी दळाचे अधिकारी प्रशांत धारगळकार, राजेश परब, अमोल परब, जयराम कानोळकार, केतन कामूलकार, विराज
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
